هنا

[ارجع يازمان]

هيه تاهت وانكلب مركابها
وصار المكطم يكود انسابها!!
االساعدي

[ارجع يازمان]

احنه للدنيا اجينه
ابسفره مفروضه علينه
ليش نضحك؟
مادرينه
ليش نبجي؟
مادرينه
تالي لمنه ارواحنه ابكله امندينه!
واحنه ما سوينه غير الصار بينه!
كون ندري الدنيا جذبه
ما عشكنه وما هوينه!
كون ندري الدمعه لعبه
ما لعبنه وما بجينه!
لو حجوها امن البدايه جا رفضنه و ما اجينه!
​حسين االساعدي

[ارجع يازمان]

اليعطش امن الشوك يشتم هوء الهاب
يرتوي اهناك ابساع من عطر الاحباب
االساعدي

[ارجع يازمان]

من الطلبات الخاصه!

ادري بك اتعزب باليجهبون
اجيتك والدمع جرجر بالعيون
وكفت اباب كبرك واسئل اشلون؟
ما تطلع تهلي ابهل يسيرون؟
يربات العماره اللي يضيفون
وميخلون خطار اليعتبون!
يا امجد صدك يوليدي مدفون؟
لو يطلع حلم والعاقبه اتهون!
مكانك بالعرس مو باليودعون!
االساعدي

[ارجع يازمان]

دايخ بالوصف وبشجرة الطيبين
واغصان الوفه واهل الحميه

مدري الناصريه اتعطر الحلوين
مدري انته العطر بالناصريه!
االساعدي

[ارجع يازمان]

املوحتنه الجنوب وعاشكين الكاع
ونخضر وفه وملكانه البشاره

ياطيبه العلينه الابد ما تنباع
طيب الناصريه وطيب العماره
االساعدي

[ارجع يازمان]

خيط العناكب صار حبل الموده
ينكطع بالنفخات مهما تشده!
االساعدي

[ارجع يازمان]

كون اويه ملك الموت واتصايح اصياح
لو مر عليك ابيوم نتبادل ارواح
حسين االساعدي

[ارجع يازمان]

بفراكك انه اشلون؟ لتظني مرتاح
مثل ام ولد مكسور وبصفه ذباح!
االساعدي

[ارجع يازمان]

لا تطلع ابرمضان وتفطر الناس--جنك طفل محبوب كل ساعه ينباس!--االساعدي