هنا

[ارجع يازمان]

حاولت بس انساك بس مانسيتك
وي الكمر مرسوم وتخايليتك
االساعدي

[ارجع يازمان]

ادموعي استهترن كلش عليه
اتفقن سوه وهدن سويه!!!
ما كضنهن اعيون
اخاف إمن اليمرون
وشمات التفوت ابهل ثنيه
ما ادري وشجاهن هالمسيه
ادموعي استهترن كلش عليه
االساعدي

[ارجع يازمان]

الياخذ التعلوم من النساوين--خل يشتمر ليغاد عن الدواوين--االساعدي

[ارجع يازمان]

رفت العين ايصير حادث وراها--لوما يجيك الراح دمعك عماها!--االساعدي

[ارجع يازمان]

يا للاسف مبيوع صدر الدواويين
سكتت زلمنه الصوت بس لنساوين!
االساعدي

[ارجع يازمان]

دمعك وصل ذيقار! وهناك طايح
دمعي العبر ميسان للبصره رايح!
االساعدي

[ارجع يازمان]

من الطلبات الخاصه
الورد لازم يضل وسط البساتين
مو وسط الكبر وبريحته ايفوح

يوليدي حسن ياسلوة العين
المن ودعتنه ورايد اتروح!

توك صاير ابعمر الرياحين
وبجف المنيه اتسلم الروح!

ضلت صورتك فوك الحياطين
وبوحشة البيت اتزيد الجروح!

وياك انسعد وسط الدواوين
بعدك عاشريت الونه والنوح

يوليدي المنيه الوصلت امنين
عافتني ابغيابك جني مذبوح

[ارجع يازمان]

ماتنفع ابره وخيط للكلبه مجروح
لو بالحبيب ايعود لو يخسر الروح!
االساعدي

[ارجع يازمان]

كلما اكول ابتعد
يمك يذبني الهوه

ضليت اروح وارد
عندك نسيت الدوه

وينك يعطر الورد
داويني كلبي انجوه

خلينه ما نبتعد
خلينه نبقى سوه
خلينه نمشي سوه!
االساعدي

[ارجع يازمان]

رجاها رجه العوز دمعاتي رجها
واستحكمت فد نوب والله الفرجها
االساعدي