يامعنى المثل يمكن __وِرَد بيك!
والبستان البخدك ___ورد بيك
هسه كون اجي الاهلك_ ورد بيك
البيتي وبالحلال اتصير اليه!
االساعدي
يامعنى المثل يمكن __وِرَد بيك!
والبستان البخدك ___ورد بيك
هسه كون اجي الاهلك_ ورد بيك
البيتي وبالحلال اتصير اليه!
االساعدي
اليوم اطك الروح طكه القويه
جي عرفتني ابناس كلهم اذيه!
االساعدي
اجيك ابواهس العطشان احط روحي اعله باب البيت!
شتمنيت!
تمنيت التقي وياك واكول ابعينك اترويت!
بس ياحيف
اشوفنك سراب ابعيد
أركض والركض ميفيد!
وأرد ابلجمة الياريت!
االساعدي
امك بخت بالبيت رحمه وتظمك
ينهجم ذاك البيت لو فارك امك!
االساعدي
عيد ميلادج الكبرج نعتنيج
انتي امنه ونعرف اتحبينه
يمه لمينه سويه ابين اديج
اطشرينه إوهلبت اتلمينه!
يمه جوعانيين ونعاين عليج
ومارجعتي البيتنه اتوكلينه!
يمه بردانين وانتي الغيره بيج
كون هسه ابكبرج اتضمينه
مرت ابونه ابلا غطه وعافتنه هيج
وحيل يايمه البرد ياذينه!!
مارضتنه ابعيدج الكبرج نجيج
وحته ابونه اوياهه صار اعلينه
انوب ابونه اوياهه صار اعلينه!
حسين االساعدي
التعديل الأخير تم بواسطة ارجع يازمان ; 21/March/2018 الساعة 11:38 pm
يمكن ملح حطيت اربع كواني
خانوني وبمكفاي خنجر اجاني!
االساعدي
لا يازمن
الغربه راوتني المحن !!
ليوين اتاني وانتظر
واتحصر الطبت الكبر!
حتى الكبر ماله وطن !
لا يازمن
الساعدي
عاتبت اشكثر بس ما يوافون!
ماسمعو اصياحي اوياحرامات!
من اتصنتوا لعتابي شمات
خليت العتاب ابدمع العيون
هلبت توكع الدمعه ويسمعون!
االساعدي
هذاك انته
سراب العين واشكد قشمر ابعيني!!
لا انه الوصلتك يوم لا انته التلاكيني!
بس امفرهد اسنيني!
االساعدي
الملح من ايخيس وتشوف الخياس
حط ابداله اهناك فد رشة احساس!
حسين االساعدي
