كتله وينك؟=كال يمك
كتله لونك؟=كال دمك
كتله هَمك؟=كال منك
كتله الزمك؟=كال فنك
كتله أعلمك؟=كال أندمك
كتله أشمك؟= كال أهيمك
كتله أطشرك؟=كال ألمك
كتله أرسمك؟=كال أهمك
كتله شسمك؟=كال حلمك
كتله طبعك؟=كال أضلمك
كتله أضمك؟=كال أطمك
كتله حكمك؟=كال اعدمك
كتله فلمك؟=كال هندي
ههههههههههه
االساعدي
-
حبيبي وما رضو اخذ حبيبي
وبليل الشته اتحمه ابلهيبي!
عليكم الله روحو له
ابهاي اجروحي كلوله
مافاد الدوه وايس طبيبي!
حبيبي وما رضو اخذ حبيبي
االساعدي
خنجر ابظهري اندار والحكلي كتلك--ما جنت اظن اتصير هالطعنه منك!-االساعدي
أنه غيمه وتمطر ابيات الشعر
وفنك اتسويها وتلاكيني!
ما تكيش لو تطب ابهل بحر
وراح تطلب عل جرف وديني!
دير بالك تستفزني ابهل أمر!
خاف اطلبك لازم اجاريني
حيرتني وبالرسائل تعتذر
وتمشي يم الوادم وتهجيني!
راح أخليك اعله بالي وأنتظر
وهلبت الله إبالك اتخليني!
أنته لو تلميذي انطيك الصفر
لأن كلك ما تطب ابعيني!
تسرك ابهلناس رايد تشتهر!
إوبلنزاهه ودومك اتوصيني!!
وبالفضائيات مالك كل فخر
عله شنهو وتفتخر! دَليني!
أنه راح استنظرك هذا الشهر
والشعر ما بينك إوما بيني!
الشعر ما بينك إوما بيني!
االساعدي
شِلج بالدمع والمن تضمين!!
كون اويه الدمع هسه وتطيحين
مشو عني ونخيتج
يعيني إوفزعيتج
أريدج بالدمع فزعه وتفزعين!
شِلج بالدمع والمن تضمين!!
االساعدي
لا تبطي من اتروح فدواتك انه
ضلت اوياك الروح عندك امانه!
االساعدي
ماخذ اوياك الروح عايفلي نوحي
فشله من ملك الموت مايلكه روحي!
االساعدي
عذبني الدمع
ويزيد اعتابي!
ارجع يازمان ورَجع احبابي
الساعدي
ما ادري ليش استحي من انظر اعيونك
واختصر كل الحجي بس كلمة اشلونك!
االساعدي
كالولي تنسه اهواك؟ كتلهم اهواي
ظنوا عدد مقصود! مافهموا الراي!
االساعدي
