جنت احبها
وجنت اسولفلك عليها
ياصديقي وتدري بيه
وتدري بيها!
اشكد تحبني!
جنت اسمعنك حجيها
اشلون تتعنى الاهلها وتخطب وتعقد عليها!
انوب كدامي تجون وتضحك وايدك بديها!
االساعدي
جنت احبها
وجنت اسولفلك عليها
ياصديقي وتدري بيه
وتدري بيها!
اشكد تحبني!
جنت اسمعنك حجيها
اشلون تتعنى الاهلها وتخطب وتعقد عليها!
انوب كدامي تجون وتضحك وايدك بديها!
االساعدي
يا قلم يسعفني ويجيب الكلام
إويا كلام اليوصل المقياسك!
مالكيت امن الشعر غير السلام
وهاي بوسه امعطره ابانفاسك
ياكلامك بالشعر روح الغرام
وانه تلميذ وضعت بحساسك
ياسر الديواني يازين العمام
يل خذيت الرايه من عباسك
من سمعت الكاع طبوها اللئام
انته دكيت ابخطرها اجراسك
فازعت ويه الحشد للانتقام
والدواعش هسه جوه امداسك
ياجريح ابيمنتك فض الخصام
والعراق ارتفع راسه ابراسك
العراق ارتفع راسه! ابراسك
االساعدي
كون الله لا ينطيك يل ورطتني
مو كتلي اموت اوياك شو موتتني!
االساعدي
اشكد مشتاك اشوفنهن
سلملي على اعيونك
االساعدي
لاكت الدمعه عليه
ولايك اوياك الدلال
وانته عنوان البرائه
اللاكت ابعين الجهال
انه ذاك الكضه عمره
ويسأل ابنفس السؤال
ليش
ما اكدر أشوفك
هذا من سابع محال!
وليش
ما اصبر
وأعوفك
جربت ماكو مجال!
وانته كدام الشماته
اتمايلت مثل الغزال
وتسحن ابروحي مشيتك
من يكلولك تعال!!
ياطبع خالف جمالك
ليش طاغي ابهلجمال!
تدري ما نوصل خَيالك
ياهو يتعده الخيال!
يل مشيت
وما يهمك
ما يخبطون الزلال!
انته ياواثق ابروحك
يسكت اوياك الجدال
الناس لو تاكل الخوخه
ما تغث البرتقال!
وما تغث البرتقال
حسين االساعدي
ياكمره التناغي الليل
والجذبه الترد روحي
اكولن هم يردلي الريل
وانه امسطر اجروحي
ياصفنه التهد الحيل
روحي ابراحتج روحي
انه امتاني عطر الهيل
اشمه وينكطع نوحي
حسين االساعدي
ما اثق بالسياسي اليوصل المريخ
بالبوك استلمها امحضر الطفره!
شتكول ابحكومه اتبسمر البطيخ!
وتبيع التجيبه ابعازة الفقره!!
خلصان الشعب بالمرض والتفخيخ
عساهم لا اجونه وجية الكشره!
وبخنه اشكثر ما ينفع التبويخ
وباجر اله نغزي المنطقه الخضره!
متلطخه الحكومه وشاهد التلطيخ!
والحال الشعب ليغادي متكتره!
ماعدهم كرامه ورادو التشييخ
الما عنده غيره اتلوكله الدفره!
وبراس الفقير اتكاثر التفشيخ
وراس البرلماني السالم ابقصره!
كلهم بالمزابل يشهد التاريخ
والذوله اللصوص امحضره الحفره!
االساعدي
التعديل الأخير تم بواسطة ارجع يازمان ; 21/January/2018 الساعة 11:48 pm
اشوكت نرجع اطفال ونلعب العاب
ااشنسينه الما لعبناها ابزغرنه!
نِطب بيت البيوت اويه الهوى الهاب
وِنكَل للزمن وَكف عُمرنه!
ذاك الطردني اعتاز ما ذكريته!
اداينتله افلوس فضت قضيته!
االساعدي
