هنا

[ارجع يازمان]

لتعاشر المو خوش واحفظ مقامك
ومن تكعد ابديوان وزن كلامك!
االساعدي

[ارجع يازمان]

للاسف خربت الدنيا
ومحد ابحال الفقير
ياضمير!

[ارجع يازمان]

مو ياهو التدفنه ايموت!
يصح واحد تدفنه ابدمعة المكبوت
وتودعه وتصيح الصوت
بس ميموت
اسمه ابكل عراضه وللمنايا ايفوت
واكو بيهم العايش
عيشة الميتين
كلما عاينيته اتعاين التابوت!
االساعدي

[ارجع يازمان]

لتصدك الغدار ما ظن يفيدك-
لو صافحاك ابيوم تتنكس ايدك!!
االساعدي

[ارجع يازمان]

تدري ابصبرنه اوياك صبر النواعير
تحجي علينه اشكال وبحلكك اندير!
االساعدي

[ارجع يازمان]

فديته الكال احبنك
ويكتبها ابمعانيها

واذا يستحي من الناس
هالخطه ويسويها

لا يكتبها بالمنشور
بس ابكلبه يحجيها
وانه
الراح
أحس بيها!
واجمل ورده بالبستان
بس لعيونه اوديها
بس لعيونه اوديها
االساعدي

[ارجع يازمان]

بس البارحه وحسبالك اهواي!
جي ما غمضت متعجب ابهاي

اسمع حالتي وفسرها يفلان
من يوم المشو والسه سهران

حتى النوم هذا اتزاعل اوياي
من يوم المشو ما يحجي وياي!
االساعدي

[ارجع يازمان]

عشك
العيون
ايهون لوما تشوفه
عشك
الارواح
اشلون؟ لمن تعوفه!!!
االساعدي

[ارجع يازمان]

اكبر صعب
لمن تحب
تدري ابحبيبك مو الك!!
ما يكدر ايسر الكلب بس بالجروح ايدللك!
االساعدي

[ارجع يازمان]

بالك تمد الايد الياهو الجان
الفكر وكت الخير هم يبقه جوعان!
االساعدي