هنا

[ارجع يازمان]

السلام عليكم
بعد ان تمت تكملت الجزء الاول والجزء الثاني بكلمات واشعار الشاعر حسين الساعدي
باكثر من مائة صفحه نتواصل معكم بكل ماهو جديد ومباشر من اشعار الساعدي بافتتاحية الجزء الثالث
مع اجمل التحايا

الجزء الاول
https://www.dorar-aliraq.net/showthread.php?t=450712
الجزء الثاني
https://www.dorar-aliraq.net/showthread.php?t=682131
انه الاجيب اوياي كل القوافي
وباجر الي تمثال يم الرصافي
حسين الساعدي

[ارجع يازمان]

اجت راس السنه وعيوني عالباب
وأجمل كلمه محجوزه الحبيبي

تاركني غريب ابين الاجناب
وبليل الشته اتحمه ابلهيبي!

صدكت الامل والامل جذاب
ليش الرته ما يصبح نصيبي!

عاتبت الزمن شيفيد العتاب!
وانه ابعلتي اتحير طبيبي!
االساعدي

[ارجع يازمان]

روحي التلح كل يوم تسئلني عنه
ماتدري ذاك الراح مايرجع النه!
االساعدي

[ارجع يازمان]

من كثر ما مطلوب وتكاثر الدين
صارت علي ممنوع كل الدرابيين!
الساعدي

[ارجع يازمان]

كون لا هَناك بيها
امنين اجيت وتشتريها!
شيل ايدك
لا تكضها
ايدي مرسومه ابديها
هاي روحي
اوياك راحت
رايح اتحسر عليها!
كون لا هناك بيها
االساعدي

[ارجع يازمان]

تدري اشكثر عطشان من تجفه عني!!
دجله وفرات اليوم هم ما روني!

تدري ابجفاك اشصار؟ راح اشرح اشلون
ضليت اجدي اخبار مثل اليجدون!

ابكلبي وجت نار كلش جبيره
والخبر عاجل صار عند الجزيره!
االساعدي

[ارجع يازمان]

كل الدنيا ظلمه_والمع اني
بالبيت الاكتبه_والمعاني
ما أنسه اليقاسي_والمعاني
هاي اهمومهم كلهن عليه
حسين االساعدي

[ارجع يازمان]

قدمتك اعله الروح ممقصر اوياك
وانته ابحجي الشمات تحرمني ملكاك!!
الساعدي

[ارجع يازمان]

انه الجنت صنديد متهمني الهموم
هسه ابطلاع الروح شايلها الهدوم!
االساعدي

[ارجع يازمان]

عوف الحزن هالروح ماتحمل اهموم
كله امندينه الصار ماينفع اللوم!
االساعدي