كون حبك مــــــو عشگ هذا الزمان
كون حبك مال اهـــــلنة الاولــــــي
وكون گلبك ما يــــدورلي مكــــــان
كون گلبك يا حبيبي كلة الــــــــي
وكون عمرك ما تحس لحظة بأمـان
اله بحضاني تذوب وتنــــــــجلي
وكون شخصك ما يهم بشخص ثان
بس اريدك كون بية تبتــــــــــــلي
وكون كلك عاطفة ولهفة وحنـــــان
حتى احسن بيك من عندي وإلــي
وكون دنيا تصير من احلى الألوان
وكون احساً بيك كل ناسي وهلي
اني مِبحر من زمن كنا وكـــــــــــان
وهسة اريدك يا حبيبي ساحـــــلي
واللـــــــه احتار شكتب ضاكت الروح
اكتبلك غـــــــزل لــــو ابقى وجداني
راح اكتب غـــــــــــــزل بس لليحبون
واكتبهن اشعاري بقلــــــــم حداني
اكتب عالوجه لــــــــو ارسم اشفاف
لـــــــو نغمة ضحكتك داخـــل آذاني
لـــــــو غمزة اخدودك والجدايل ليل
لو طعم العسل من ضكته بلساني
لــــــــو لمسة اصابع شابكت خديـن
مسحت عــــالوجه بس حيل اذانـي
تايب بالغزل مــــــــــــــا اكتب اشعار
بس كلبي على ذني وبيك وصاني
رد مع اقتباس
رووعه
المشاركة الأصلية كتبت بواسطة ذلفاء رافائيل
