هنا

[حسين المنذري]

نصيحه للشباب والبنات اقروها
الشاب يشتغل دائما حتى يعيش اهله
ويضم جم فلس يجمعهن حتى يجيبلج حلقة ... يطلع ب 5 صبح واستراحته بالوحده ع مود الغده يتغده بدقيقه مستعجل ع مود يخابرج يتصل ويتصل وانتي بعدج مكاعده من النوم .. تكعدين تلكين اتصالاته
اهوووو شكد يلح ميكول نايمه
ترجعين تخابريه وميجاوبج لان عنده شغل تغلقين جهازج وتكولين مو صوجه اني غبيه وخابرته خ يولي بعد ماحاجيه
يخلص شغله ويرجع للبيت تعبان و يسبح وامه تحط العشه كبل يخابرج وقبل لا تكولين الو يجيج جواب بصوته التعبان اسف حبيبتي بالشغل ومكدرت اجاوبج اشتاقيتلج
وبكل قساوة تجاوبيه اي اي ابقى خ يفيدك الشغل اهم مني ملتهي بي وهاملني وتسدين الخط وتعوفيه بحسرته
لو بالليل ميكدر يسهر وياج لان وراه شغل من الفجر
تكلبيها عركه ومشكله بحجه مبتعد عنج
واول ماتجيج فرصه زواج يكون هو جمع 300$ مال حلقة بس بهالحظه يكون القدر جايبلج فرصة احسن منه وتشتغل الانانيه وتتزوجين وتتركيه
يبقى بحسرته عليج ويكوم بس يريد يلكالج عذر يواسي بي كلبة الي حبج واتمناج
ـــــــــــــــــــــــــ ــــــــــــ
.اهم شي هاي
هوايه بنات ينام حبيبه عدة شغل هي تروح تضحك وتحاجي غيرة تكول خلصت منة نام
ـــــــــــــــــــــــــ ـــــــــــــ
نصيحه يابنات
الي مواعدج بالزواج بس شوفي جفوف اديه
خليج معدلة وبت اصول اذا حبيبج عنده شغل او دوام راعي وضعه نامي وياه واكعدي وياه اوكفي وياه لاتصيرين انتي والزمن ضده
لان صعب بهالوكت تلكين الي يحبج من صدوك واذا لكيتيه حافضي عليه ولا تخسري
فكري بكميه الحب الحتجمعكم مو بالراتب الي يعيشكم
قبل لا تفكرين تشترين اغلى فستان فكري تلبسين فستان بسيط بس لانسان غالي
بدل ماتفكرين باغلى تسريحه وصالون فكري انتي ع بساطتج حلوة وغاليه بعيون انسان يحبج


خليج بسيطه تعيشين حياة سعيده

[أغرد بهمس]

اللي تلكة كلب يحبها خ تنسى كولشي

[† ذلفاء †]

نصيحة جميلة .ولكن هذة النصيحة لبنات الانانيات الي ماتقدر الحب والوقوف معه
الحب مو بس غراميات واحبج وتحبني والو .الحب مساندة .الحب مملكة متكامله من طرفين واحد يكمل الثاني ويدعمة معنوياً ويكون مصدر سعادتة ويفكر بحبيبة مثل ميفكر بنفسه .

[الغريب ي]

ياريت بعض الناس تحس هيج مو تهتم بحالها وناسيه غيرها بضيمه

[الغريب ي]

اللي تلكة كلب يحبها خ تنسى كولشي

ﻻ ردلج الله كلمه يسلم حلكج والله صحيح

[فـرح]

كلامك يدل على انو الشاب حباب والبنيه شريره
مثل مكالت اغرد الي تلاكي الي يحبها ماعتقد تصير شريره ويا لانو البنات بالاصل لطيفات
والولد مستحيل يكون هيج فقير .. وهم شكرا الك
وينقل للقسم الانسب

[الغريب ي]

نصيحة جميلة .ولكن هذة النصيحة لبنات الانانيات الي ماتقدر الحب والوقوف معه
الحب مو بس غراميات واحبج وتحبني والو .الحب مساندة .الحب مملكة متكامله من طرفين واحد يكمل الثاني ويدعمة معنوياً ويكون مصدر سعادتة ويفكر بحبيبة مثل ميفكر بنفسه .

ياريتهن يسمعن مثلج بس سادات اذانهن ممنونلج للتوضيح والصدق

[الغريب ي]

كلامك يدل على انو الشاب حباب والبنيه شريره
مثل مكالت اغرد الي تلاكي الي يحبها ماعتقد تصير شريره ويا لانو البنات بالاصل لطيفات
والولد مستحيل يكون هيج فقير .. وهم شكرا الك
وينقل للقسم الانسب

لا فرح موكلهن اكو ناس عندهم غرور وانانيه متصدكيهه

[ღ عِشق ღ]

البنت اذا تحب تخلص ، متسمع حبيبها هيجي كلام ( بشع ) ولا تتصرف ويا بهالطريقة ، ممكن يكون العكس صحيح ، اكو بيهم اذا "حب" الة بنية حسرة عليها تسوي شي بسيط ميرضا الها لو يتزعل ويدور وجه ويروح ( وشكد دمرن نفسهن ومستقبلهن علمود فقط يرضن الحبيب وحتى انقتلن او اهلن اتبرئوا منهن )
انت بهاذي نصيحتك جردت المرأة من صدقها ووفائها ولطافتها )

"والملخص الا ماندر ينطبق عليهن ماوصفت "


تحياتي

[عدنان الواثق]

وين النصيحه بالموضوع هذي حاله خاصه مااجزم ندارتها لكن تبقى شاذه بالنسبه للفتاة لان مااعتقد بنيه يحبه شاب وهي تحبه وهو يعمل لأجلها يبني عش أحلامهم وتغدره مستحيل الا الشواذ واصلا مايسمى حب هذا اولا وطبعا الولد همات اذا لكى فرصه ذهبيه من أخرى عدها امكانيه هم ممكن يتخلى عن حبيبته الاوليه هذا وارد نتيجة ظروفنا الاجتماعيه لكن همات شواذ لان الانسان من يحب بصدق يكون انسان ثاني تنزع منه الدنيا والماديات ويكون تفكيره بمعشوقه ...اعتذر لتطفلي لكن مجرد قراءه بسيطه لموضوعك تحياتي وشكرا عالجهد اللطيف