احتاج منك اجابةفضلا
اجبني ياترى
ليش انه بغيابك متت بس مايموت احساسي
اوين انت گاعد بالضبط؟
شو انه من اتذكرك يوجعني گلبي وراسي
من حقي...اتنفس وون
حته الهوى بهجرك خشن
بلگوة اجر انفاسي........
والله انت طيب يلرحت بس حيل گلبك قاسي..
يزداد يومي وحدةً والحزن لايكفيني
امضي غريبآ ودمعي مافارقتها عيني
كل الوجوه تشابهت
كل الاماكن نفسها والوقت لايعنيني
قلبي تنازل وعترف
و ع الخير اذا گلبك رجف
وتونس ولاتنقهر تستاهل انته الونسه
صح اني بغيابك صعب
بس الطفل من ينضرب مايعرف يفك نفسه
حاولت اخفي ومانفع
لك ااخ شيسوي الوجع بأنسان يذكر شخص والشخص رايد ينسه
مديت ادية عله الصور
منتظر منك لمسه
واشتاگ لاسمك
وانكسر واصفن واكولن تگضي
حظي...
حظي وعرفت سوالفه مابيه اعاند حظي
سنتين هجرك نفترض!!!
لليوم ماتارك فرض بسوالفك متوضي
حاولت اكرهك..
بس صعب
انه الله باليني بگلب لايكره ولاينسه
فاگد نضرتك يلرحت فگدة نهار لشمسه
والناس حين تحدثو
يبدو ضجيجآ صوتهم بس انته صوتك همسه
زاد اشتياقي فجأةً
لو كان موعدنا غدآ....
خليني اشوفك هسه
يهواي...
بيه تشمته وبعدك اهلي وناسي
ودليني وينك بالضبط
شو انه من اذكرك يوجعني گلبي وراسي
........
رد مع اقتباس
المشاركة الأصلية كتبت بواسطة علي *الاسدي *
