هنا

[عبدلله العراقي]

السلام عليكم
رحت لمصرف بغداد قبل 4 اشهر على اساس احصل بطاقة فيزا كارد

سويت حساب ودفعت فلوس وكلتلي الموظفة اسبوع الى شهر وتحصلها

وصار هاي 4 شهور ،، يعني لو اشتكي هسة عليكم واغرمهم ع التاخير احد يكلي ليش

مااعرف ليش بالعراق هيج العالم تتصرف .. بالخارج العالم تتوسل بيك حتى تجي يمهم وتفتح حساب يمهم واحنة هيج

هسة مدكولي شلون احصل على بطاقة فيزا كاررد او ماستر كارد

[noname92]

حبي شوف مصرف الشمال

[Mustafa Almalki]

مثل ماذكر الاخ noname92 مصرف الشمال اعتقد المصرف يصدر البطاقة بـ 100 الف دينار عراقي وبدون تأمينات واعتقد عندة فرع يم علوة الرشيد . واني بالنسبة الي انصحك بمصرف التجارة TBI هو المصرف الامن والمذكور بموقع الفيزا .تقبل مروري

[Samer]

هههه عجيب .. نفس الحالة مالتي وية مصرف بغداد قبل 3 سنين .. الظاهر ما صار عدهم أي تطور

رحت (اتذكر) لمصرف بغداد فرع الكوت، على أساس أنه يسوون بطاقة فيزا من نوع دبت ، يعني مربوطة وية حسابك بالمصرف بحيث شكد ما تخللي بالحساب، يكون متوفر بالبطاقة، بس بقيت أنتظر البطاقة 4 اشهر أخر شي وصل بس الـ "ظرف" مال البطاقة و البطاقة ماكو عااا .. بهذه الأثناء فتح مصرف الوركاء بطاقة ماستر كارد و سويت وحدة و بقيت استخدمها

لحد ما (فلس) مصرف الوركاء وبطل يصدر بطاقات ماستر كارد، بقيت حاير بروحي .. بعد جولة طويلة سويت بطاقة يم مصرف الشمال و دفعت بيها المستحقات و لا زالت البطاقة شغالة توب

بس الشي الـ "محلو" ببطاقة مصرف الشمال، انه الاستفسار صعب عن مبلغ الرصيد، لازم تخابرهم، وبعد ما تخابرهم همة يخابرون مصرف TBI يسألون (لأن البطاقة اصلا مال مصرف تبي بي آي ، و مصرف الشمال مثل الوكيل) .. ، و بعدها يرجعون يتصلون بيك يكلولك كيت وكيت، و الشغلة الألطف أنه مصرف تي بي أي رفض مؤخرا الاستفسارات القادمة من مصرف الشمال، لأن يكولون احنه دا ندز على التلفون ، و يكدر صاحب البطاقة انه يخللي بطاقته بجهاز الصراف الآلي الموجود بفروع مصرف الشمال علمود يعرف شكد بيها، و المشكلة انه فرع مصرف الشمال بالكوت ما بيه هذا الجهاز المتطور ..لذلك لازم اروح لبغداد علمود اعرف شكد اكو ببطاقتي باقي (40 الف روحة، 40 الف رجعة) ، و هسة حاليا على حب الله .. اصرف لحد ما يكللي Error processing your card .. اعرف خلصت، اروح اسدد بفرع الكووووووووت عااااا

[عبدلله العراقي]

شكرا على المعلومات حبي سامر دبارلكي لعد اجتني الفيزا كارد اسمها فيزا الكترون اكصر من 6 اشهر وطبعا خليت هسة تأمين 100 دولار يلة نطتني البطاقة

وهسة اشو داجربها على المواقع يطلع Your credit card was rejected

Error
We were unable to process your credit card.

شنو السبب مااعرف يمكن طريقة الدفع عندي بيها غلط

حبي اريدك اسئلك على طريقة الدفع اكو خانة بيها Card Address و

Card Zipcode

مدلي شخلي بيها ؟ عواني لو شنو ؟؟ العنوان الي كاتبة بالمصرف محلة زقاق ومنطقة بالعربي شنو اكتبة بالانكليزي ؟