#الأخ صلاح الخفاجي من البصرة احد ابطال سرايا السلام يروي قصته المؤلمة..
#تعرفت على حبيبتي وروحي زهوره عن طريق الصدفة في الاعدادية جانت زميلة اقاربي
بيوم من الايام جنت عابر الطريق للبيت وصدفة التقيت باقاربي وكانت زهراء وياهم سلمت عليهم وهنا دخلت كلبي اللبنية وصرت اتردد عليها وارسل الها سلام وبقيت على هل حال اكثر من ست اشهر
واني احاول اتقرب واتعرف عليها وبعد محست بحبي صادق استجابت و بدت تحجي وياي الى ان حبتني وصارت تموت عليه وهنا بدت قصة حبنا من سنة ٢٠٠٧ الى سنة ٢٠١٠ تقدمت الها وواجهت بعض المشاكل ولكن حبنا لبعض تغلب على كل الناس الي اعترضوا جانت الوحيدة لاهلها ايضا واجهنا هذا الشي وتمت الخطبة وصرنا اسعد اثنين الدنيا متشيلنا من الفرح ب ٢٠١١ تزوجنا وكان هل يوم اسعد يوم بحياتنا والكل فرحانين ومتعجبين على حبنا الغريب والقريب لكن الفرحة لم تتكمل وشاء الله ولم نرزق بطفل وعند مراجعة الاطباء والاجراء التحاليل اللازمة تبين انٌ لا يوجد اي مشكلة للطرفين وكالو الاطباء ان وضعكم تمام وهذا الرزق بيد الله وكنا مقتنعين بهذا الشي وعشنة احلى حياة وبسنة ٢٠١٥ تبشرنا بأن زهوره حامل وكانت الفرحة لا توصف وبشهر السابع من ٢٠١٦ اجة موعد الولادة والله رزقنا بطفلة سميناها رقية لكن وبعد ١٠ ايام من الولادة شكت حبيبتي زهوره من اللام بالمعدة طول الطريق نسولف ونشاقه وبعد ان وصلنا للمستشفى واتخذوا الاجراءات الازمة وبعد عمل السونار هنا جاءت الصدمة و حدث الانكسار في حياتي خرجت الدكتورة راكظه وتخاطب والاطباء واخذو زهوره وكالو صاير عدها انسداد ومجمعه سموم فيها ولازم نسحب السموم قبل لايسحبون السموم قالت لي زهوره صلاح شبيهم الاطباء نخبصو بيه شي اخاف اموت وبنتي منو الها انتظرتها 5 سنوات ومالحگت اشوفها هذه آخر كلمات الى اميرتي وحبيبتي وبعدها فقدت الوعي واخرجو السموم وبقيت زهوره يومين في العناية المركزة وانا شبه مجنون ما شنو يصير وما مصدگ ان زهوره بين الحياة او الموت وثاني يوم اخرجو زهوره حبيبتي في السدية وهي مغطاة بغطاء الموت الى مثواها الاخير كانت مثال الاخلاق والجمال والتعامل معي ومع اهلي والدي يگول دمعتي ماتنشف على زهراء لاني اعزها ب معزت بناتي وكل اهلي يگولون الحد الان مامصدگين زهراء ماتت
واني لليوم احتفل وياها بكل مناسبة يم قبرها وللان لابس اسود عليها وماداخل غرفتي
وانا اتأمل يوم من الايام تجي زهوره واشوفها واشوف عيونها الجميله وابتسامتها البريئه واتوقع هذا حلم وارجع اشوفها واكمل حياتي لان حياتي شبه متوقفه اصبحت مالها معنى من غير زهوره الف رحمه على روحها....والى الان كل مانذكرها ونسولف بيها تخنكنه العبره سوالفها الحلوه وصوتها الجميل الف رحمه على روحك.
رد مع اقتباس
