بطاقة يانصيب!_الشاعر حسين الساعدي
بطاقة يانصيب!
!!!!!!
جي فقير
الدنيا ماعدها ضمير
وهيه كل مره وتخيب!
الدنيا ما ترحم ابحال الما يودي اولا يجيب!
فاركتني اويه اصدقائي وضيعت مني الحبيب!
جي فقير
وياهو اليشوف الفقاره
ابهل زمن هذا العجيب!
كلها حسبالك سكاره
وما يميزون القريب!
رت اغير حالي مره
واشترك باليانصيب
كلت اربح
رايح اربح
هسه وين الله وتصيب!
البطاقه ابعيني حلوه
اتحقق احلام الرهيب
وشككتها ابلا اراده!
اتذكرت قسمه ونصيب
اخر احجايه الحبيبي
الباع روحه اويه الغريب!
هو اليضحي ابحياته
بعد شينفعه الطبيب!
ما اريد
اليانصيب
الفقر قسمه ونصيب!
وانه ماعندي حبيب
جي فقير!
حسين االساعدي
رد مع اقتباس
المشاركة الأصلية كتبت بواسطة رجل كهل
