هنا

[شهد الورد]

ان شاء الله نور تتفهم الوضع ومتزعل ..
لان سامر خوش سامر ومثل مكالو هو مثل ابونا

[Samer]

جايب (اني) هل قساوة منين .. منين منين يا طيب .. فديت اني ابوهم شكد قاسي

اعزائنا .. .. استجابة للضغوط .. ولان اتهموني بالقسوة (واني معروف بطيبة قلبي ) .. و اني حقيقة قد ما اكون انصفت العضوة صاحبة الموضوع وتصرفت باندفاع وتهور .. و ايضا استجابة لنصيحة احدى المشرفات حول عدد الاحرف المسموح للعضوة المشتكية علي لان تحب الارقام الزوجية على كولتها، .. لذلك قررت انه تكون عدد الاحراف المسموحة هي 800 حرف بدل 750، .. ..هذا اكثر شي اكدر عليه، تر دا ادفع الفرق من جيبي .. بس تستاهلون

وللمعلومات هذا يشمل فقط عزيزتنا الملقبة (نور مجيد) يعني باقي الاعضاء يكتبون بكيفهم ، هذا من جهة، من جهة اخرى مال يتم فصل الرد باكثر من رد علمود تتجاوز الحد .. فهذا طبعا غير مسموح

واكيد اني اكدر اتحكم بالموضوع برمجيا (على مستوى العضو، على مستوى الموضوع، على مستوى اي شي)، واكدر اخللي العضو مثلا من يعبر حاجز الـ 1000 حرف يطلعله جرس يذكره (او مثلا بدل الجرس فد تسجيل بصوتي اللطيف ) .. تريدون هم نمشي بهذا الطريق هم ماكو اشكال .. بس حقيقة حاب اسمع اراء بعد عل موضوع.. لان الاراء لحد الان مو كافية .. اي واحد عنده رأي خل يكتبه، و حتى اللي ما عنده هم خل يكتب شصار ما صار معاه اليوم

[Samer]

اسعدتم اوقتاً احبتي الكرام .الاخت نور اخت عزيزه وغاليه واسلوبها صح طويل ولكن يوجد به محتوى ولها الحريه بكتابه كل ما يدور في ذهنا .الاستاذ سامر من ارسل لها رساله تقتصر بعدد الاحرف فهذا الشيئ لايجرح بشيئ تقدررتكتب الرد الطويل بجزئي بردين ماكو اي فرق..هذا بنسبه لردود.
واما بالنسبه للعدد الاحرف فهذا بكل بيانات وهاكات ادارة المتنديات هناك عدد معين من الاحرف .كل موقع اكتروني يوجد به حد من عدد الاحرف مثال الرسائل عبر الموبايل كلكم كاتبين رسائل عبر خط الموبايل اليس هناك عدد الاحرف تتعدا حرف واحد تعبر لرساله الثانية .هذة قاعدة بيانات كمثل قاعدة بيانات المنتدى. هناك حيز من الحجم وحيز من الصفحات بالموضوع.

الله الله .. .. لك باوع الكلام .. .. .. اصلا حتى اجتي ببالي فكرة من قرأت مثال الـ SMS .. مثلا اني ممكن اسمح للجميع انه يكتبون شكد ما يريدون، بس اذا يتجاوز مثلا كل 100 حرف زائدة فوق الـ 500 حرف احسب عليه 1 دولار، يعني اذا كتب فد 1000 حرف يصير مطلوب 5 دولارات (تريدون نسويها بالعراقي ماكو اشكال) .. هم اني مقلص الكتابة بالمنتدى بدون تحكم او تهديد، .. و هم مستفاد ماديا، خصوصا من الردود العصبية اللي لازم تكون طويلة .. و يا مكثر المعصبين عدنا، بحيث مسويلهم مجموعة خاصة

[Samer]

نعم أنا انسانة لا أخلط الامور مؤمنة بالاختلافات الكونية وأتقبل الرأي المخالف البعيد عن الاساءة والاستفزاز
فأن تكون بيني و بين فلان من الناس اختلافات تصل للسماء لا يمنع علاقتي الطيبة معه إن كان اهلا لها ونور اهل للمحبة والتقدير
وأنا كتبت الرد خوفا من أن تشك أنا لي صلة بالموضوع الذي ضايقها
احترامي

يؤيؤيؤ ..لك باااااااااع التسامح ... صدك لو كالوا .. من ذولة ادرس وتعلم .. من ذولة ادرس وتعلم . (ذولة=هؤلاء)

وهمين اسلوب سامر قاسي جان معرفناك شرير سمسم ، المدنية وقوانينها مأثرة

جاء في حديثي .. المدني القوي خير من المدني الضعيف .. وفي كل خير

[اسرار الكون]

هسه ماكو قساوه
اصلا حتى حرف ال قاف ماكو ..

صار عدد مناسب 800 كولش تمام ..
واذا تعدى شوية هم سامح ..
والي يكتب قليل جدا ما اله جائزة مثلا؟ ..

شكرا استاذ ع مجهودك للمنتدى ..

[Samer]

مرحبا ....
اعتقد ان الامر في زاوية منه يخصني بعض الشيء ... وان لم يكن اعتقادي صحيح فاعتبروا ان هذا الرد غير موجود ...
1) فيما يتعلق بموضوع ( كات ) في القصص والروايات فهو منشور بعد خروجي من المهام الادارية كنائب ولهذا لم اقم باغلاق الموضوع او حذف اي رد من الردود ... انا فقط كتبت رداً كأي عضو موجود هنا ... اعربت عن وجهة نظري بلا مجاملة او تزويق كما انا بالضبط ...
2) تفاجأت وانا اطالع بعض الرسائل ــ بعد حين ــ ان اجد حملة ( تحريضية ) اذا صح التعبير ضد الموضوع .. وان العزيزة نور ... تدعو الاعضاء الى الابلاغ عن الموضوع بقصد اغلاقه وحذفه .. لا اعرف ماذا احسستِ حينها وانتِ تطالبين الاعضاء بهذا ؟؟
كما لا اعرف ان اسمي هذا الفعل ادارياً ...
المهم ... انني وقد اكون لاول مرة اوافق الاخ سامر جملة وتفصيلا في اجرائه هذا .. على انه افرط كثيراً في اختيار العدد ( 750 ) حرفاً ...
امتناني للجميع ...

شنو الامر يخصك "في زاوية منه" .. اصلا كله من وراك استاذ راهب .. . .. انته سبب المشكلة هذه من الاساس .. و هسة لازم تسويلنا عزيمة تطييب خاطر .. سيارة علي الشمري جاهزة، واني ابدل واجي ما عندي شي.. و الديوانية شمرة عصا

[arshd]

بصراحة اني اشوف طلب المدير بعصبية زايدة
ممكن تكول للاخت حاولي اختصار ردودك وانتهى الامر مو عركة طبعا تزعل الاخت

[Samer]

انا مدين لها بأعتذار كتبته لها بهمسة واتمنى ان تعود لقرأته حتى لااكون احد الاسباب لمغادرتها ... كان سببه رد كتبته بوقت متأخرمن الليل ورجعت حذفته لكن قبل حذفه قرأته هي .. على موضوع بالسياسي اسرائيل تعرض التعاون .....

شوف شوف .. يعني البنية زعلت من وراك .. خو باوعوا .. اني شعلي ؟ .. ها أها .. هاي القضية شالها احمد

[نصرالدين البلداوي]

يوووع دشوفي خيه شوفي سامر شدا يسوي

ها بيبيتي هيج تحجي

شوية funny للموضوع

[❥تين❥]

افرحي يانور اكو قانون تعدل بس لخاطرج

الجد ابومينا جدا لطيف