هنا

[Laraa]

يعني انتِ بديتي القصة
بأن العقل يحكمها وتعرفين الجواب
معنى هالشي انتِ رافضة اللي يطلبه بحسب مايگول عقلج
اما الحلف بالائمة ومعزة الام فهالشي مخلي الگلب يشتغل
وبهذه الحالة اما تنتظرين احد يگول ممكن يكون صادق وينطيج نصيحة او طريقة حتى تختبري وبهذه الحالة تريحين گلبج ( وهالرد مستحيل تشوفي )
او تقرين نصائح الاعضاء بالابتعاد عنه والاساليب والكلام اللي يستخدموا حتى يوضحون ان هذا الشخص كاذب وبهذه الحالة تخدمين عقلج وتقتنعين

بس راح اگلج شي واحد اعتماداً على قناعتج لان واضح انتِ انسانة مؤمنه بالائمة وتعرفين هم شنو
اللي يعرف الائمة ميطلب هيج شي لذلك اتركي الگلب على جهة واهتمي بدراستج ومستقبلج

و بالتوفيق

[ملكةه]

اذا انتم جامعيون وهيج شخليتوا لاهل المتوسطه والاعداديات
شوفي لا دزين صوره ولا اتسوين اي شي الا يجي يخطبج ...المثل يكول لحك الجذاب لباب الدار اصبري وكوني حذره بنفس الوقت ..

[الغريب ي]

ونصيحه الى جانب النصائح الي كالوه الاصدقاء لابد لابد ان تستمري وياه فتره لسبب واحد هو ان تتأكدي انو مسح صورج الي عنده وبعدها دكيه بلوك هو واهله لاتنسين تأكدي انو يمسح كول صورج وكوليله اذا انته تريد تتزوجني امسح صوري ...تعرفين شلون ترهميهه تحياتي واتمنى من الله ينقذج منه

[رحيـــل]

[خاطفة الانظار]

اياج تنطين صورتج اصلا ابتعدي عنه قدر مستطاع والله هذاا يجذب عليج مبين ...
بعد كيفج خيتوو... وراح تلاكين احسن منه لاتكوولي والله ارتحتله ومادري شنوو ..ماكوو هجي حجي ... اصلا الحب مايصير بيومين هههه .. الحب الحقيقي هوو صدق و وفاء و ثقة ..

[خاطفة الانظار]

اذا انتم جامعيون وهيج شخليتوا لاهل المتوسطه والاعداديات
شوفي لا دزين صوره ولا اتسوين اي شي الا يجي يخطبج ...المثل يكول لحك الجذاب لباب الدار اصبري وكوني حذره بنفس الوقت ..

خخخهههههه قوويه وربي .. صح حجيها والعباس

[جنـات]

دكتور !ماضيه سيء ويه البنات ؟ ويدور صور؟ معقوله هيج الدكاتره خفاف ، عبالي شخصياتهم قويه مينزلون لهيج مستوى!
المهم حبي غسلي ايدج منه وتركي .

[لحن الامل]

من بين كل قصص الحب على النت قصتج اسهل وحدة لفضح نية الولد

كلنا دنشوف جانب الولد المظلم الي مغطيه بالكلام الرومانسي و التدين و حب امه بما معناه حب الجنس اللطيف اضافة لأعترافه بماضيه الاسود هاي خدعة زينة حتى يكولج اني صريح ترا لازم تثقين بية ، و صراحة هاي خدعة جيدة و من شخص صدك متمرس و يعرف البنات شيحبن و شيريدن

عموماً انتي حبيتيه و تورطتي و اطيتي صورتج بدون حجاب و تورطتي مرة ثانية
جاري الوضع و حاولي تنسحبين و ادعي الله يهديج و تتجنبين هاي السوالف لان حرام و انتي دتخونين ثقة الله و اهلج

و اسفة على الاطالة

[CaSpEr]

یبنیه العشگ مو عیب
بس دوریلچ بنادم
یحس چن عرضه صاحبته
الزلمه الزین ذاك مبین من بعید
من یشوف الغریبه
چن یشوف اخته

علي المنصوري

[عضوية2635]

العراقي مستعد يحلفلج بالقرأن في سبيل يحصل اللي يريده ، هذه مو شي ينقاس عليه على انه هو خوش رجال ، زين هو يحبج شيسوي بصورتج بدون حجاب! شنو الفايدة منها
زين انتي حتلو تحبينه المفروض تخليله حدود ميكدر يتجاوزها ، ومال خلص انتي زوجتي وكذا ميفيدن هواي مسوينها قبله ، اذا يريد يسويها صدك .
هاي كلها اراء حتى تخلينها ابالج لان
قد يكون الرجل صادق في مشاعره واحنا نظلمه بس المشاعر وحدها متفيد لازم اكو فعل

تحياتي