مشكور سهمك وصل مشكور ما قصرت
مو أنت أول جرح كَبلك جرحني الوكت ...
جنت اطمع ابطيبتك وانت بدموعي اطمعت ...
وآنه اتخذتك اخو جا ليش بيه اخذلت ...
وتكَول عني اخطأت فهمني ليش اخطأت ؟؟؟
احسبني اخوك وخطأ تخسرني لو سامحت ؟؟؟
وآنه اعتذرت اشكثر على ماكو اتوسلت ...
وطخيت الك هامتي وبألزايد اتكبرت ...
لتصير بين السمه ويلي ابدليلي اثبتت ...
من دون ربح وطمع منك شفتني اطلبت؟!!
شمعه آنه في رُقتي وبطيبك اتلبلبت ...
تحركَني نارك حركـَ وكَبال عينك ذبت ...
هلبت كسر خاطرك حالي وعليه اشفقت ...
ادري بضميري عدل معقوله انت المتت ؟؟؟
معقوله كَلبك جلد وبطيبك آنه وهمت ؟؟؟
رد مع اقتباس
