هنا

[wasfistar]

اخوان بدون زحمه منو منكم ممتحن توفل ؟ اريد اعرف شلون الامتحان ! لان اني راح امتحن بعد فتره وهواي اصدقاء يكولولي صعب

[سجايا]

اني امتحنت ..وجبت درجة 530 ..

بالعكس كل اللي كالك صعب متوهم

الامتحان سهل مابي اي صعوبه بس انت حاول تركز اكثر لان ماكو وقت

وتعلم طريقه سهله بالاجابه ... وحاول ترخي اعصابك

وركز عالقواعد اكثر شي

وباللسننك ..انتبه للجواب الثاني لان دائما يكون السؤال منه

والاختيارات اول مرة جاوب كل الاسئله باختيار خيار واحد مثلا B بعدين من ترتخي وتكملهم راجعها وعدل الاجوبه

هيجي حاله تضمن عالاقل نص الدرجة ..

اتمنالك كل التوفيق

[نـــائل]

اني ما ممتحن
بس احد اصدقائي امتحن
وسولفلي السالفة
هوة طبعا بكلوريوس لغة عربية ولا طگة بالانكليزي
المهم قبل ما يقدم على الماجستير قرر يمتحن
دخل الامتحان
اختار السؤال الاول A لكل الاختيارات
والثاني b لكل الاختيارات
وهكذ لكل الاسئلة

اجاني بعد فترة
كال نجحت
وجايب بال400 تقريبا

قصة قصيرة..

[Samer]

اكو كتاب احمر اسمه Longman خاص بالتوفل و يعتبر افضل الكتب بهذا المجال .. مجرد دور عليه (اني اشتريته من شارع المتنبي ببغداد) و اقراه و راح يصير عندك المام تام بالتوفل

الحل الآخر .. دخول دورة متخصصة بالتوفل

عموما.. حسب الدرجة اللي تحتاجها بالتوفل بالنسبة للدرجات اقل من 400 يمكن الامر ما يحتاج دورة او كتاب ، الدرجات الاعلى تحتاج شوية دراسة ، درجة 550 مثلا تحتاج المام ممتاز باللغة الانجليزية