هنا

[عـلي الذهبي]

والله ياإني سويت شيء بالسوق قبل شوي بس ماني معلم احد إلا أذا قلتوا لي علمنا >>>.ناوي يرفع عدد المشاركات
كح كح

علمنا

[(حُر)]

هههههههههههه والله شكل هـ المصري يفك عليكم
اجل عشر حبات جني !!؟ وين ساكنين فيه ؟

فك الله راسك بمفتاح عجل
ياخي لو يخطي المصري أصحح له أنا أثناء القراءة

ماعليك الشيخ 100%

[(حُر)]

علمنا

بعلمك بس مو هنا وعد , هنا يمسكونها علي اقسم بالله لين أموت
هنا ناس ماينقال عندهم شيء خصوصاً لو أن بنت رقمتك
مو رقمتك يعني ترقيم , بس تكلمتوا وكذا
وعطتك رقمها وعرفتك بنفسها وبأهلها
ومنصب أخوها الخطير

[(حُر)]

خربتوا موضوعي ياشريرين لولا تدخل سوزان في الوقت الضائع , مشكلتكم ماتعرفون أسلوب القاص حينما يقص شيء شافه بعينه

[Suzana]

بانتظار القادم صديقنا ..اني اريد الخاتمه بسااااع هع

[عـلي الذهبي]

بعلمك بس مو هنا وعد , هنا يمسكونها علي اقسم بالله لين أموت
هنا ناس ماينقال عندهم شيء خصوصاً لو أن بنت رقمتك
مو رقمتك يعني ترقيم , بس تكلمتوا وكذا
وعطتك رقمها وعرفتك بنفسها وبأهلها
ومنصب أخوها الخطير

اوك اتفقنا صديقي

[(حُر)]

وين وصلنا بالسالفة لين قلت عيونه ماهي عيونه , والمنطق مهو منطقه
للآن نقول تقريباً راح ساعه من الهمس بين بعض هو والشيخ والدردشه الخفيفه وتعصيرة لأصابع يدين خويي ورقبته وشوي يبطحه على ظهره وشوي يمسكه مع خشمه

إلتفت علي الشيخ وقال هذا حالتة صعبة قلت وشلون قال خويك هذا للآن طلعت منه أكثر من عشر حبات جنّي ورا بعض بس هذولا كلهم هادين ولا يدورون المشاكل وأقنعتهم بالخروج وألا بضرهم قلت خير كمّل بس شغلك

واصل الشيخ يقرأ ويتفل ويهاوش ويلعن , ويتناقش هو وخويي الي ماهو خويي , وياخذ عليهم تعهدات , لين وصلنا لواحد إبن كلب جني ملعون ضحكت عليه ضحك لين أستلقيت على ظهري

قال له إطلع قال لا , قرأ عليه وحجّر له الشيخ , وبالأخير قال بطلع , قال الشيخ أنت ملعون وكافر وإبن كلب , ماتستحي على وجهك , ثم يسطر خويي كف ثم خويي الي ماهو خويي يقول آآه ويقعد يشتم الشيخ قال الشيخ له تروح الحين تجيب كفيل وإلا والله أقتلك

قام الولد ذا الجني يشاور نفسه قال بجيب كفيل , قال الشيخ منهو قال أبوي , قال أني قلت له يجي , قال من يجي ياكلب تكلم من وين يجي إنطق
قال أبوي شيخ قبيله وهذاه ركب الفرس حقه وجاي من مصر
أنا سمعته كذا قلت العن أبوك حالة بنقعد لنا إسبوع لين يوصل على ذالحال , شوي إلا إنثبر الولد وبدأ الأب يتكلم على لسان خويي الي ماهو خويي وقرره الشيخ على التعهد الي نصه " أني ماأدخل مره ثانيه لمحمد ولا أضره ولا أقرب له ولا أوصي عليه أحد ولو دخلت أو سويت شيء من الآنفه ذكرها فأني أرضى بأنك تقتلني أو أدخل الإسلام "
أقر بكذا وطلع الملعون وراح هو وأبوه ,
أيه نسيت , الشيخ سأل أبو الجنّي وهو يهاوشه قال كم عمر ولدك قال ياشيخ صغيّر توه صغير , قال كم أنطق ومسك صديقي الي ماهو صديقي مع رقبته قال عمره 130 سنه


التكملة بعدين ...

[عـلي الذهبي]

صغير عمره 130 سنة
هههههههه

[ود 'ے]

العنوان يخوف -_-
كملنا

[عضوية92213]

لهجتك صعبه مفهمت شي منها بس امبينه السالفه حلوه