هنا

[znoo]

السلام عليكم


عندي مشروع تخرج بلغة فيجوال بيسك واريد اعرض فيديو و ملف word عن طريق ازرار الامر command
بس ماجاي اعرف الكود البرمجي الي استخدمه
ارجو المساعده

[spyman]

اهلا وسهلا
اختي هذا المشروع جميل و ان شاء الله اساعدج بيه
1- اول شيء لا تشغلين اللغة بالطريقة الاعتيادية دبل كلك .. دوسي ايمن واختاري run as administrator
2- دوسي ctrl + t وانتي بداخل اللغة .. طبعا بعد فتح المشروع
3- رح تظهر الج نافذة صغيرة اختاري منها microsoft Rich Text Box (بس آشري على علامة التصحيح)
4- قبل لا تدوسين ok نزلي السكرول بار للاسفل واختاري windows media player (بس آشري على علامة التصحيح)
5- بعد ذلك رح تلكين ظهور ادوات جديدة في التولبار , ضيفيهن للنموذج مثل ما تضيفين الكوماند بالضبط .. يعني بطريقة السحب والافلات او الدبل كلك وبالمساحة الي تشوفينها مناسبة طبعا
6- الان ضيفي زرين امر .. كوماندايتين وخلي الكود هذا بزر الامر الاول الي هو رح يشغل ملف word (بس الصيغة .doc)

RichTextBox1.FileName = App.Path & "\2.doc" 

بالكود اعلاه .. App.Path هاي معناها انا اريد اشغل ملف موجود بنفس مسار البرنامج .. يعني اذا نقلته بفلاش لحاسبة ثاني ماكو مشكلة رح يبقى مشتغل
الـ 2.doc ( الملف اسمه 2 والصيغة هي doc وهكذا .... RichTextBox1 الاداة ... FileName خاصية الاداة
7- بالكوماند الثاني الي هو رح يشغل ملف فيديو بس كون بصيغة .mp4 كتبي الكود التالي

WindowsMediaPlayer1.URL = App.Path & "\s.mp4" 

نفس الكلام بالنقطة 6 .. s هي اسم الملف . mp4 هي الصيغة ... WindowsMediaPlayer1 الاداة .. URL خاصية الاداة

بعد ذلك من قائمة file اختاري save وسوي مجلد جديد على سطح المكتب وسميه بأي اسم و خلي بداخلة ملف الفيديو الي افترضنا اسمه s بالمثال وملف الورد الي فرضنا اسمه 2 .... ترى الموضوع اسهل مما تصورين بس لان كتابة شوي صارت طويلة
و اي شيء تحتاجين خوية بخصوص المشروع او البرمجة طرحي سؤالج وتدللين .. واعتذر اذا اتاخر بالرد لان تواجدي قليل هاي الايام

تحية طيبة