سالفه ورباط
جان گبل من تصير عزيمة بالعشيرة يوگفون اثنين من المعازيب ورة الناس التاكل وكل واحد منهم بيده دولكة ماي وگلاص خاف واحد يغص لو يعطش ، فواحد من الوگافة اسمه حنش وهذا لازم دولكته وكلاصه وچان متاني اي واحد يعطش لو يغص من السايد الواگف عليه حتى ينطيه ماي وكتهة واحد من السايد الثاني غص بلگمة صاحت الناس على حنش : انطيه گلاص ماي الزلمة اختنگ .
گال حنش : ما انطيه ماي هذا مو بسايدي بسايد عويدل !!
صاحوا عليه : خايب حنش ولك حنش عويدل فرغت دولكته وراح يجيب ماي .
گال : لا لا ما انطيه ماي كلمن عليه بسايده !!
صاحوا عليه : ولك تعال حنش ترة الزلمة مد رگبته ولك انطيه ماي لا يموت !!
گال : لا وروح جدي مهاوش ما انطيه ماي هذا مو بسايدي شنو عويدل صاير لوتي ؟!
ماطول عليكم الزلمة مات
ورباط سالفتنة بسبب عناد وحقارة قائد هاي الكتلة وهاي الحزب ياما ماتت مگاريد وياما تيتمت اطفال وترملت نسوان/
رد مع اقتباس
المشاركة الأصلية كتبت بواسطة ♡ Zahraa Al obaidi ♡
