قصه مضحكه جدا
من أصعد بالغرفة الفوگ أشوف غرفة جيراني الي گبالي وعندهم شاشة چبيرة بحيث اشوف شيتفرجون بسهولة و الستلايت مالتهم مثل ستلايتنا ، ذاك اليوم بالوحدة بالليل ولدهم يتفرجون فلم رعب فإني جبت الريمونت وعليته من يمي گلت انصب عليهم ... هم خافوا خطية ونصوه بعدين سويته صامت ، انرعبوا ... اخر شيء گلبته هم ركضوا طفوه وشلعوا الفيشة و نزلوا جوه طفرات ....
ثاني يوم جابوا سيد يقرأ ويرش البيت بالخل و الملح و يبخره .... ودگوا قطعة الدار للبيع ...
سالت ابنهم خير ليش تريدون تبيعون البيت .... خطية نصى صوته وچان حاصرته العبرة وشاورني ...گال الحچي بيناتنا البيت مسكون و السيد گال ابقوا بس بالطابق الأرضي لان الطابق الثاني مسكون بجن هندي كافر و اخذ ٢٥٠ ومگدر يطلعه .. وهاي صار تلثتيام ما صاعدين للسطح
انقهرت عليهم و خفت اصارحهم خاف يگاوموني ويشلوني من البيت ... جبت سيم كارد كلاوات وخابرت ابنهم علمود اطمانهم ... گتله ترى انتوا ماكو داعي تجيبون سيد ويقشمركم ويأخذ ٢٥٠ الف ، ترى البيت لا مسكون ولابطيخ .. اني چنت اتفرج وياكم وحبيت اتشاقى وياكم فعليت و نصيت وگلبت القنوات ... گالي وانت منو ؟ اني هنا خفت اگله اني منو گتله اني الجن الي ساكن ببيتكم بس وروح أبوية طلعت وبعد اصعدوا بعد مااكررها
اشو هذا غلق الجهاز ... بعد ساعتين جابوا لوري وشالوا غراظهم ....وهسة البيت فارغ ومعروض للبيع.واني ما اعرف اصلح غلطتي...
رد مع اقتباس
المشاركة الأصلية كتبت بواسطة نبضات عراقية ♡
