ما گلتلي من البدايهالحب ضلالة
الشوگ لعنة
حتى لا أكفر و احبك
_ميثاق الهلالي
ما گلتلي من البدايهالحب ضلالة
الشوگ لعنة
حتى لا أكفر و احبك
_ميثاق الهلالي
هنیاله
الـ أبد ما یُعرف یتاني
هنياله النسه محبوبه الأول
وعاشرله محب ثاني
#زامل_الخفاجي
عمر الماي ما يزعل
لو يزعل يسافر للسمه مجبور
ترد واطيح
ترجعلي
واغنيلك
#نضال_عبد_الفتاح
انتي سمره .. وتارسه الدنيا حنان
ونايم الحيل اعله خصرچ
ولمت احديثات
يتشهن عرسهن فوگ نحرچ
عـمـري لـيـل
وتعثر الغبشه عله شوفي
وانه والصفنه جسد وهدوم نار
وغـابـة احـلامـي
مفاتيحي العتيكة الـمـارهـم
واحد ولو غلطة عله بيبان النهار
يضل لابسني الحزن ...
وايامي شجرة ويابسه
ابستان نار
عبدالسادة العلي
يا ابنادم
كلشي يلچمني من اريدك
الرسايل الشـوارع
و الغنـه وعيـون غيـرك
حتى بيبان المدينه
الضـاله بحسرة بريـدك
كدما بوجهك ضوة
شكيت بيك وكلت
بالشمس متلثم
نتحاجة كلي شوكت يالتستحي تسلم
اني كـتلك مُـر عليه
مو عليـه تصيِر مـــُر
. .
.
افتتاح موفق
حدر التراجي برد …
والكَنطره ابعيده
وأمشي وأكَول
وصلت
والكَنطره ابعيده
ونكَضني مشي الدرب
والشوق هز القلب …
والكَنطره ابعيده
حلمانه برد الصبح …
رجَّف خلاخيلي
يا دفو كمّل دفو ..
يا قمر ضوّيلي
ويا ذهب خيط الشمس طوقين سويلي
لايكَلي طوق الذهب والدغش ما ريده
وأمشي وأكَول
أوصلت
والكَنطره ابعيده
* * *
لا لا يبرد الصبح ..
ما تحمل اجفوفي
ازغيره كواني العشق ..
وأتوسّد إزلوفي
هيمه وجحيل الوكت ..
ما لمني نفنوفي
لوذي إعله بعد البعد ..
يا روحي
حدر ايده
وأمشي وأكَول
أوصلت
والكَنطره ابعيده
الراحل ذياب كَزار
