اللهالمشاركة الأصلية كتبت بواسطة رحيل
مغربية
وطاح بالدنيا برد
واليوجعن من كل كتر
هبن علينه
غفلة ردينه الستاير
عـ الروازين وفتحنه.!
ابلا وعي
شچم باب للذكرة الحزينه..
وخمخمينه ببالنه
وفكينه صندوگ
المكاتيب الحنينه..
وطلعينه اصوركم
وبالبال ننشدكم صفينه..
يا چفوف؟
الحصدت المحصول ذاك البي شگينه
بيا چفوف ؟
اتمدد ابريسمكم الرابي اعله ادينه
من بعد ما ريعت گيعانكم
چا ما فگدتو؟!
النهر ذاك
الچان يسگيكم بألذ دمعات عينه..
ما وگف بعيونكم موقف
ولا يم بالكم فد يوم اجينه؟
اخ يا ذاك المسه شگد بي بچينه
ندري مابيها انتو
بس للدار حفاي اعتنينه
ابابكم
فكينه زيج ادموعنه ونعتب بقينه
ليا سبب
مهجور دار البي ربينه؟
ليش ظلمتو
الدرابين بجفاكم ؟
وانتو تدرون انتو ضويات المدينه..
وعاتبينه وعاتبينه
وتعبت الچلمات من اشفافنه بگد ما حچينه
وآخر احچايات گلناها وعلى الدچه انتچينه
هم تفك ارياجها العين بوجهكم؟
هم ترد ليام وتردون لينه؟
وگرفصينه امن البرد يم عتبة الباب وغفينه..
# اويلي ):
عاش ذوقج
