هنا

[روجـيـنـا ♡]

وهسه ما دام انتهينه.!

اسمحلي اذكرك..

خل اذكرك من بدينه ..

لمن چانت..

تهدل امتون السوالف

واحنه لسه بـ ( عــز ) حچينه

لمن چان

العتب نظره

الشوگ نظره

وحتى نار الغيرة نظره

والجريء الـ بينه چان (السانه عينه)

ارد اذكرك

من گلتلي .. هوايه احبك

انـه والـ (عباس) احبـك

گتلك ابشر
وانـه هماتينه احبك .!

چنه فقرة

لكن اتذكر وكتها

الدنيا صارت بين ادينه..

ومدة عدت

والتقينه ..

ومدة عدت

و انجرحنه

ومدري ياهو الخان بينه..

ومدة عدت

بيها حيل اتغيرينـه

واحد اعله الثاني صار يريد زله .!

ودسنـه فوگ اجروحنـه
و قصدا مشيـنه..

والتهينه ..

ولبسينه اگلوبنه اثياب الكرامه.!

واحنه نعرف

بين كل خل وخليله

إمبهـذله اثـياب الكـرامه

وعاندينـه..

والحچي يطول حبيبي..

وانت تتذكر غناوينـه وبچينـه

- وصح بعدنـه

-وصح چوينـه اگلوبنـه وغصبا جفينـه

لكن امحلفه الساعه

تگول اذا لحظه نسينه..

وانتهينـه ..

وهم اخبرك

للأسف موش انتهينه.?

لچن يبني

وحگ عينك من اغمض

ترد ذيچ ايامي كلها

وهيچ احس هسه ابتدينه..

[CaSpEr]

شذر مالاح اصابيعك

وبقينه انتاني ونتاني

وتلاگينه سهر وعيون محد شايف الثاني

[CaSpEr]

شيل عينك فوك يالطبعك خجول
حان وكت الليل خل يبدي الغزل
ضكت مر هجرك بعد ما بيه حيل
خل اضوك اليوم من عندك عسل
كمر عالي وجان عن عيني بعيد
بعد كل ذاك الصبر يمي نزل...

[CaSpEr]

فصليه..

جابوها دفع للدار ..
لا ديرم ولا حنه ولاصفگه ..
ولا دف النعر بالسلف ..
لا هلهوله لا ملكه ..

نشدت الناس عن قصه هالبنيه ..
شعجب جارو عليها بغير حنيه ..
ورديت بگلب حزنان ..
من كالولي .. فصليه ..

لعنت ظلم التقاليد بألف حرگه ..
عمنها الاخضر الهرفي بسعر اليابس تحرگه ..
.....................................

حديثه نگول حوريه ..
ربيع العمر مياله ..
حرام دموعه الطيبات ..
عالخدين هماله ..
وين العطف والرحمه ..
يفصاله ..
لا سوت ذنب لا هي جتاله ..

جا هيجي حكم ديوانك المهيوب ودلاله ..
عليه تحرم فناجينه وگهوته وكعدت ارجاله ..

خصبتوها ..
ظلمتوها ..
حرمتوها ..
هضمتوها ..

وهبتوها الشخص ظالم ..
حتى من العقل ما يملك .. وشاله ..
يحاجيها بدفرته وكال فصليه ..
عساها بخت من فصلوا ..
وانطوا مهرت الفارس ..
يوادم ما هي خياله ..
حوبتها وراهم دوم ..
تحركهم بكل شهكه ..



عجبتني

[CaSpEr]

فوگ خصرج نابت التفاح
وانا هواي يغويني الخصر
كون اموت
وفوگ شفتج
يبتدي يوم الحشر

أزهر كريم

[CaSpEr]

هناك
من زتيتيني للـ فجر گلتي شوف
هذا وجهي وهاي شَمسك
ياهو الأحلى وگتلچ انتي
وين رحتي
هواي مشتاق لـ ضحكتي
يا ضحكتي هواي أحبچ

[CaSpEr]

لاح السهر عينك
والجفن سكران ..
وارموشك عرايس والكحل زافوف

[تمرد الروح]

يكول..
شالتك تسع شهور فلانة ابطنهة
ماذبتك بالكاع دوم بحضنهة

يرد...
شالتني تسع شهور شنهو استفاديت
اني وحبيب الروح كل واحد ابيت

[محامي الحب]

جا عدلة منك هاي تنطي مكفاك
وأنا النفس مرات اتشاركة وياك

[Scrap]

‏بعدني أشتاگ وادعيلگ !!

بعدني لهسه اغنيلگ

بعدني من اكعد لوحدي

مكان بصفي اخليلك