هنا

[علي الازيرجاوي]

رايح اني وبعدما ارجع الك

وبفركاك راح اسلي الروح بدموعي
رايح اني وادري بروحتي متهمك
ولك رايح اني لدنيا تخلى منك
لدنيا ماتحمل اسمك

ولك رايح اني لسما مغيمة ومابيها رسمك
رايح اني وبفركاك احس روحي تطلع
وايامي صارت ما الها معنى ما الها مرهم
رايح اني ومابقى للوقت عندي موعد ومابقت للدنيا عازة
رايح اني لدنيا وحشة وليل اضلم
رايح اني وشايل همومي بدنيا غبرة وابد ماترحم
رايح اني لدنيا مرة والله بدونك احسها علكم
رايح اني وبغيابك مو بس روحي راحت صفيت اني شجرة وانكطعت
ولك بستان اخضر جنت بيك مخضر
والورد يزهي من كل لون وردة
ومن كل نوع شجرة مثل بستان جنت وياك ومورد
لك رايح اني وبعد ما ارجع وادري.. ادري انت هسة بغيري مشغول وابد ما اهمك
راحت وانتست الجانت الك بستان
راحت الجانت الك حضن دافي وقلب ابيض
واجت غيري وصرت اني ذكرى مرة ومرت
ورحت اني بس انت.. اه انت..
شلون ابدلك شلون اقلعك شلون اكرهك
رايح اني وبعد ما ارجع
بس ارجوك واريد احلفك
اذا مرت روحي غفل يمك
انطيها وردة بيضا منك
وبيها عطرك
وانت تدري شيعنيلي عطرك
واسمك ورسمك
اعذروني ما اكدر اشاركم بالردود

[مصطفى العراب]

للاسف علاوي

[سعد الموسوي]

مودع الله يالمسافر هاي هيه لوبيك رده
تضل عيني عالدرب دوم
تربي ومن البجي رمده
زمان الحارب حسين اوياي شعنده
محرب دوم وياي كل ما افتحت للفرح باب سده

[Samer]

لاااااااااع يا معود شنو القصة ليش هيج تسويها مو هستوني راجع للمنتدى حتى بعدني ما متعرف بيك زين عاااااااااا

يغلق الموضوع