اعرف زين دربي وحاسب العثراتواعرف زين كلمن بالدرب يحفر
يجوز اعثر اطيح انهض اكوم ابساع
ميهمني اذا فد يوم بيك اعثر
بس بالك اذا بيه اعثرت فد يوم
هذا انه اليحذرك دوم مني احذر
انه مثل اللغم بس اندحك انغاض
بس طخني كبل لتطيح تتطشر
ما عرضت عيوني بيوم خنت الزاد
لا عرضت الحلوه ولا عرضلك مر
الماعون دنك مستحي وخجلان
شال الزاد كله وبيك ما غزر
واطيك الظهر متغدره تعرف ليش؟
مولنك اصيل وزين ما تغدر
اطيك الظهر لن بينه كل الزود
عدنه اظهور صلفه التعوج الخنجر
واذا جفك رجيج اتلاوه ويه الغير
بيهه الموت ادينه ومو حجي اتكشمر
انته الفاس بيدك ما حفرت الكاع
وانه بخمس اصابع حافر المرمر
وما رد الغلط لن هذا غيظ اللسان
طبع بيه اليسبني اعله الغلط اصبر
طبع السيف ساكت ما يسب الناس
بس لو ضرب واحد ضربته اتعور
فرق بين الرعيد الصوته هز الكون
رغم صوته انتقام وماكدر يمطر
الا الغيم ساكت بس سمع بالكاع
شال الماي كله وعل ارض حدر
واذا جف الغدر طيحني ما انغاض
لان نفس الجفوف الطيحت حيدر
تحياتي لكم
رد مع اقتباس
