ابوذيات للشاعر سمير صبيح
حزينة - عتب
ابحطب گلي تطفي النار .. لو ماء
الاعمى لو عثر ميجوز .. لوماه
ردت احلف فلا خليك .. لوما
ذراعي انته من اگطعه شلون بيه
يگلبي السافر وعافك .. براهيم
وبعدك هم يسلمني .. ابراهيم
ابموسى ابيونس ابعيسى .. ابراهيم
ابمحمد شوفتك عنت عليه
عنيد وعانديت الريح .. والواي
بقه بچفي وبعدني بخير .. والواي
على الطافي يرش الماي .. والواي
حطب ذبله وزعم فزاع اليه
يچفي انتي الجراح العوز .. شلي
لإن من الأقارب صار .. شلي
الملك لله انا بدنياي .. شلي
روحي العود اليه هم مو اليه
غريبة الدنيه والأغرب .. دردهه
اليبچي سنون واليضحك .. دردهه
يالهي يربي امانتك روحي .. دردهه
دخذهه من وكت واستر عليه
بعض ناسي تعب وضعي .. شفه الهه
رغم چانت امس دمعي .. شفه الهه
عگدة بليل وبشعرة .. شيفلهه !
تراب وعاصفة ومشدودة اديه
شلك بالروح لو تدري .. ولع ضام
اتيهن من علي نجبل .. ولعضام
يصلن والاشد منهن .. والاعظم
ابرد والدماء تفور بيه
ابعراء وعاري واذبني .. وانا غطاك!
شجاك اصبر على ضيمك .. وانا غطاك
اكتلتني ابلجك ابنوحك .. وانغ طاك
اغراب انته گلب مزروع بيه
ابتعب وجهي حزن فركاك . ينشاف
تضعضع والعگل بجفاك .. ينشاف
دهن شره اعله ويه الگاع . ينشف ؟
اذا ينشف تكف دموع اليه
شهل لمعه يروحي الضيم .. يلاچ
وشني صبرچ يزيد بيوم .. يلاچ
لين عل حصو تگولين .. يلاچ !
اخبال اعناد ذبتچ هيچ هيه !
يذلك من يصب دمعك .. ولك حس
نسوك وعود الك صورة .. والك حس
ولك عافوك دتركهم .. ولك حس
جبت عمرك وفي سو لك رديه
غيري لويعيش اشعشت ! .. مالم
ولاضل الجرح فد يوم .. ما لم
ماينصف زماني وياي .. ما لم
اطخ راسي وانه عناد بيه
يا اله الكون هم ينزاح .. كرباي !
شكثر سيف الحزن بالآه .. كرباي
شلون يصير ع المزروع .. كرباي
كربته ولتركته اللوم بيه
متت شيفيد لوسمه .. بك صباه
انا البلتعب وكته .. بكصباه
شبصرك شلونك بالسند .. بكصباه
الحايط طين والگصبه طريه
الملح فوگ الجرح بلضيم .. خله
واصبر لاتبين اعليك .. خله
لتحشمه الضميره يموت .. خله
ندهته وندهت الميت سويه
- تدوين Zahraa Al obaidi -
رد مع اقتباس
المشاركة الأصلية كتبت بواسطة ديار ديار
