قصيدة على لحن / يقاروره/ كلماتي
قصيدتي الكامله على لحن يقاروره تتكون من ستة مقاطع
.................................................. ...............
يمسبيه شجره لحالج
على خوانج انهدم حالج
اباوع حسره حسره.....صوركم كلها ذكره
/:::::::::::::::::::::::::::::::::::::::::::::::::/
من انظر لطف كربلاء
انظر سبي وحرك الخيم
انظر عقيله بلا اهل
لا والد اليمها ولا ام
من خيمتج اشتم عطر
بس عطر الفراك وظلم
ريحة هلي ماضن ترد
وموادعي يصير بألم
........................
يمسبيه على مصابج ......
انكسر كلبي على حالج ......
وصيحن هالله هالله ......يكافل يالله يالله
..................................................
يمسبيه شجره لحالج
على خوانج انهدم حالج
اباوع حسره حسره.....صوركم كلها ذكره
/::::::::::::::::::::::::::::::::::::::::::::::::::/
من الكوفة يحديها الشمر
أصعب حقيقه مؤلمه
كل هذا مكتوب بقدر
ومسجلة بكطرة دمة
زينب على الناكه وتون
وأضلاع أخوها مهشمه
وأعظم مصيبة لفاطمة
زينب تضل بلا حمة
........................
على خواني انهدم حالي ........
بلا والي انشغل بالي .........
اناشد خويه وينك .........السبايه بلا حنينك
..................................................
يمسبيه شجره لحالج
على خوانج انهدم حالج
اباوع حسره حسره.....صوركم كلها ذكره
/:::::::::::::::::::::::::::::::::::::::::::::::::/
من أنضر لحال السبي
اكتب مراسيلي بدمع
شحال اليتيمه بلا أبو
مهضومة وبين الجمع
خولي وزجر يضرب متن
بنت الحسين وتنفجع
طفله وتون من الالم
وعلى الوجن تجري الدمع
.............................
بزجر خولي ومأأسيها
تضل غربه وبواجيها
وتنادي عمي وينك ........اليتامه بلا حنينك
..................................................
يمسبيه شجره لحالج
على خوانج انهدم حالج
اباوع حسره حسره.....صوركم كلها ذكره
/:::::::::::::::::::::::::::::::::::::::::::::::::/
اصعب مشاهد بالسبي
صورة شمس تنزف ضوه
راس الحبيب اعله الرمح
ومن الرمح يروي الجره
كالتله ذبلان الورد
ومن عطرك يزيل الضمه
كاللها مكطوع النحر
وعله الرمح ينزف دمه
وأنا وخدري ومأسيها ..........
مثل سكنه وبواجيها .........
النحر ينزف محنه ........عله سكينه وخدرنه
.................................................. .
يمسبيه شجره لحالج
على خوانج انهدم حالج
اباوع حسره حسره.....صوركم كلها ذكره
/::::::::::::::::::::::::::::::::::::::::::::::::/
من السبي اسمع خبر
مؤلم حزين وفاجعه
من الشام وبواحد صفر
يروي البهائي الواقعه
عيد ال أميه بالنحر
تعزف طبول الفاجعه
وزينب تنادي من الزجر
يمه يفاطم حايره
الفكد غربه وانا حرمه ........
بلا والي انهدم حالي .......
بحزن ليلي سهرته ........على حسيني وغربته
.................................................. ..
يمسبيه شجره لحالج
على خوانج انهدم حالج
اباوع حسره حسره.....صوركم كلها ذكره
/:::::::::::::::::::::::::::::::::::::::::::::::::/
حال الهجر أذه الزمن
وخله الزمن محني الضهر
ليل الله أظلم من صبح
بمصباحه مرسوم الهجر
يرسملي لوحة من السبي
لوحة ورد وعله النحر
ماتت رقيه من الفكد
ورتفعت وغاض الدهر
وانه وسكنه ومشاعرها ........
مثل خوله ومدامعها .......
السبي خلاني وحدي .........وحيده وفخري خدري
.................................................. ........
يمسبيه شجره لحالج
على خوانج انهدم حالج
اباوع حسره حسره.....صوركم كلها ذكره
/:::::::::::::::::::::::::::::::::::::::::::::::::/
حسن سعيد الزيرجاوي
رد مع اقتباس