لا تبجي على عمرك؟؟؟
ﻻ تبچي اعله عمرك والعوض بالجاي ..
شوف الدنيا هاي .. شبيها مابيها ..
گبلك هم بچيت .. وأيست مرات ..
بس شفت الدمع ميفيد تاليها ..
المرّن بيك كلهن .. هم اجن وياي ..
ونيران البگلبي .. ابدمعي اطفيها ..
أنه هواي البگلبي .. وياما شفت
هموووووووم ..
وبعض من السوالف خايف احچيها ..
عوف الماضي والله وداعتك ميفيد ..
شكثر گبلك بچوا والحزن كاطيها !؟
وافتح باب گلبك من جديد وعيش ..
وادموعك لوكت العازة خليها ..
ميلوگ البچي لعيونك الحلوات ..
وحرامات الدموع اﻻنته تبچيها ..
يل ما جربت بالدنيا مره اتعيش ..
وجبت عمرك حزن وهموم گاضيها ..
تعال وياي أفرجك وانت عاين زين ..
وانثرلك همومي وانت ساويها ..
مخازن جوه گلبي من الهموم ..
واكابر على همومي ابضحكة اغطيها ..
اطلع وامشي واضحك واليصير يصير .
واذا خايف الناس .. الناس شعليها ؟
ابدأ من جديد وسوي كلشي تريد ..
حياتك انت حر اشلون تبنيها ..
وﻻ يهمك حچي وﻻ تاخذ اللي يگول ..
عوف الروح تختار اللي يرضيها ..
القسه وي روحه ظالم .. وانت ابو
اﻻحساس ..
معقوله القساوه البيك خافيها
تحياتي
رد مع اقتباس
المشاركة الأصلية كتبت بواسطة علي الازيرجاوي
