بعد ان تكررت كلمة البكاء في شفاهها
انتفضت مشاعري
لتقول لها
لا تبجين
لا تبجين
بكل دمعه ولج يضربني الف سجين
خل ابجي بمكانج بالكي ترتاحين
لا تبجين
يالدمعج جهنم من يصب على الكاع
تره بدمعج ولج هذه الارض تمحين
وانتي بضحكتج تفتح ورووود الكون
هسه انتي نويتي الورد اتذبحين
لا تبجين
انتي بفرح عينج تفرح الاحزان
بس بدمعتج كل الفرح تنهين
يالضحكة شفافج تسوه هذا الكوون
وتغريد البلابل انتي من تحجين
ولج كلشي بحياتي كمت اشوفج بي
بس باحزاني اكلج ابد لتمرين
لا تبجين
سجينة خواصر صايره الشمات
وانتي بدمعتج شماتج تفرحين
ما اريد الحزن بايامج اترجاج
ولوحات الفرح بخدودج ترسمين
لا تبجين
تره عمره الدمع ما سوه شي للناس
لا ميت عدل لا فرح المسكين
كل لحضه بحياتي وج نذر خطاج
يا وردت حسن وبروحي تضوين
لااااااااااااااااا تبجين
رد مع اقتباس
