وره عيونك
ذابله عيون المدينه بلايه ناس
اوذابل وياهه الورد والگاع وشطوط السوالف والنعاس
يل خذيت وياك رب الماي
وانجيل النده ودين الگناطر
اشلون الوحك رب المشابگ بديك وانته كافر
شلون اجيك ودربي شوك
وعقلي حافي اوگلبي ماكلته الضنون
ابلا ضوه عيونك نعاس وكلشي غافي
يا تواليك ذنب قابيل مامن عنده توبه
اويا طواري سوالف ليل الحصار
العثر الوادم هذيچ بلايه حوبه
حيل وي جروحي عذبني برضاتك
حط ملح روحك عليهن وستر ذنوبي بعباتك
انته يا اول ضريح اول ضريح
ذنوبي تكثر من اطوفك
لاهي حاجة عين مفطومه اعله شوفك
او لاهي رغبة عشگ يستاهل چفوفك
او لا انته ابالي واگول النيه بيضه
او لا انته الراكب اعنان الطيش حت اگدر اعوفك
مدري ياهو النزلك يم گبر جرحي
وانته اول واحد العندك عنب يترس طيوفك
مالي حيلك ريحك تسودن رماد جروحي مايحمل عصفهه
طشرتني وعلمتني الشوگ مثل الريح مانندل وصفهه
الشوگ ياخذني دوه الـ اخر نزيف
وارجع حچايه ذليله بغير دم
والگه صوتك الگه صوتك يستحي يكشف گذلتي
او ينشتل بالروح هم
او تكبر اولايات جرحي الماعرف يمك ملامه او لا ندم
وانتشيك انتشيك الخوف ياخذني واجيك بلهفة ام
وتلتف اعله الروح صفصافة حزن
والعين غرگانه هظم
وامتحن يم باب عينك من يمر رمشك سؤال
واشتهي النجمه التغني زلوفك بطاري الشتال
ياتنين النعمه مابيه دلال
مالي حيل الشوگ ياخذني وارد بلا حبيب
او مالي حيل الناس من تشوفني تگلي غريب
سچة العشاگ مابيهه وداع
وحصة العاشگ چفن كونك شجاع
انته ماتندل جميل ومن يغني تنام بزلوفك بثينه
او لاعثر قيس اعله سچه اوياك يم ليل المدينه
شلون مدري شلون خاويت النده
وسولفت بينه
شلون مدري شلون خاويت النده
وسولفت بينه
عبد_الوهاب_الحمداني
القصيدة بصوت محمد الأميري
رد مع اقتباس
المشاركة الأصلية كتبت بواسطة ♡ Zahraa Al obaidi ♡
