لالا توكَع خيمته | السيد عبد الخالق المحنة ليلة 7 محرم - Video مكتوبة
لا لا توكع خيمته شيوكع اخوي اي غيــــــر اعرفنه او دليلي اموالفه
غير ربيته اعلى ديه او ادري بيه او كلشي عن عباس ادري او عارفه
انا ادري جيش الدنيا من ادم لجاي والله ما يكــــــــــدر يحــــرك طارفا
هذا ابو فاضل اذ مس عانه غيض الخيل والفرســـــــان تركض زاحفه
منين اجاه الموت اخوي الما يموت الموت يلبد منــــــــــــه من ايصادفه
خويه لا لا مااظن لا مستحيل او ياجبل هذا الي توكعه العاصــــفه
لالا ياخوي حسين رد رد لبن ابوك او شوف شنــــــــــــــــــــهي السالفه
او يجوز تعبان انغمه عليه او يجوز ايريد يرتاح او يــــــــتترد لحمايتي
روح خويه هسه يمكن كَام اخوي هسه يكلبها او يـــــــــــــــنفذ غايتي
انا اعرفه لا يخاف او لا يطيح او لا تهمه الكثره حدد رايـــــــــتي
انتا لو تقبل اروحلا وجيك انا اعرفه ما يرد حجايــــــــــــــــتي
روح كله زينب خل يعود او خاف ما يرجع تحـــــــلفه ابداعتي
لحظه امشي عليك يبن امي امشي عليك ابوك هاك خويه اخذله او ياك اعصابتي
روح كله زينب اباب الخيام او كله ياهو الكال كومي ابصايـــــــتي
او منهو دك صدره او كال ابحماي او جابني ابهابه او يـــــــــكاود ناكتي
روح كله الخيل وصلت يبن ابوي او بعد كله اتكَول زيـــــــــــــنب خايفه
او خاف كلشي ايصير ميت ابن ابوي بوس راســـــــــه او كَله زينب اسفه
انا شفت اشكال من هاي الحياة لاكن احبال السبي ما شايـــــــــــــــفه
لا توكع خيمته خالها ستار من توكَع خيمته ايـــــــــــــطيح الستر
او يعني زينب ظلت ابلايا كفيل او صار كلش عادي يــــوصلها الشمر [/COLOR]
للشاعر السيد عبد الخالق المحنة
ترككم مع الفيديو للسيد عبد الخالق المحنة
رد مع اقتباس
