نورتالمشاركة الأصلية كتبت بواسطة ..AGAPSIO..
دخلي دورات تقوية ع حسابچ الخاص عند مدرسين الهم صيت بالمنطقة ونفذي اي شيء يكولون مثل تحديد سؤال وجواب ويكول ( هذا راح يجي بالامتحان بنسبة85% )... وإذا بقيتي ع هذا المنوال من بعد دورات التقوية فأنصح ان تأجلين سنة بحيث تكونين بس متابعة والسنة التجي راح تنجحين بدرجة91%
كأقل تقدير
ونتمنى الها كل التوفيق والنجاح
نورت عينيالله يكون بعونها إن شاء الله
ادرسي بجد واتركي كلام الاهل.. فأن للانسان طاقات غير محدودة...وتضرعي الى الله..وبعد النتائج سيتغير تفكير اهلك..كوني واثقة...فقط زيدي همتك بالدراسة.كلش
اقري وانتي اتجبين معدل
وخلي هدفج للطب
لا تكولين ماكدر اطلع معدل
بس اقري واتوكلي ع الله
مع اخلص احترامي و تقديري للاهل و لكن تصرفهم خطأ و نصيحتي لصاحبة المشكلة العزيزة انه تشوف اهلها هذا الموضوع حتى يقرون التعليقات بنفسهم و من ضمنهم هذا
اذا بنتكم د تلجأ الكم و تكول ما اكدر فالضغط عليها و تهدديها هنا غلط لانه انتوا اهلها فالاولى بمساعدتها و احتواءها مو التسبب باذيتها نفسيا
الحل هو تعرفون ليش متكدر ، و اذا عرفتوا تساعدوها انه تكدر تتخطى هذا الشي بالتشجيع و المراعاة و الابتعاد عن الضغط عليها تماما لانه هيج راح ادمروها ، يعني في سبيل سعادتها تتسببون بتدميرها ؟! فأي سعادة هاي ؟!
انتوا بالتاكيد همكم هو سعادة بنتكم لذلك فضلا و ليس أمرا ركزوا على هذه الحقيقة
لا الشهادة و لا غيرها كانت بيوم مقياس لسعادة الانسان او حتى وسيلة للوصول للسعادة
السعادة هي رزق و نعمة من رب العالمين فما اله اي علاقة لا بالمستوى العلمي و لا المادي و لا الاجتماعي
فاذا تريدون سعادتها وكولوا الله سبحانه و تعالى و ادعولها بالسعادة و اسعوا على قدر المستطاع يعني لا تخلوها تبطل لانه لازم تسعى و انتو تسعون و المعرفة ايضا نعمة من نعم الله فخليها تدرس على قدر وسعها و تكمل بالاختصاص اللي ترغبه و تحس انه ممكن تفيد الناس و نفسها بيه بما يرضي الله تعالى
و الله بذاته و ما يكلف خلقه اكثر من وسعهم فطبعا من المنطقي انه احنا ما نضغط و نكلف الغير اكثر من وسعه باي حجة كانت حتى لو مصلحته و سعادته هي الحجة
يا رب التوفيق الها و الكم كاهلها و الج عزيزتي ولاية و جزاج الله كل الخير
التهديد حته تقره وتطلع معدل
المهم ماكو شي اسمه فشل
الفشل الشخص نفسه هو يصنعه بتفكيره
فهنا لازم تخلي كل افكارها ايجابيه وتكول اني كدها واكدر ادرس زين ومستواي بالدراسه اكدر اصعده وكلشي سهل ماكو شي صعب
يعني هي تحفز نفسها بنفسها وتسوي واهس لنفسها وتترك اي شي سلبي يأثر عليها والنجاح الشخص يصنعه بعزيمته والتوفيق من الله
ماكو واحد فاشل مع احترامي الج
اكو شيء اسمه التصنع بالفشل وهذا جاي عن عدم ثقة بالنفس وبالقدرة
اينشتاين نيوتن أديسون غراهام بيل ماكو شيء مميز بيهم غير أنهم قهروا كلمة فشل جاهدوا في سبيل هدف واحد انه تطلع نتيجة من تجاربهم وبالفعل طلعت وهسة العالم كلها مستفادة منها
قصدي
كلشي بالإرادة يصير وماكو شيء صعب بس اكو شيء الي يتعب يحصل تعبه والما يتعب يتحسر طول عمره
من جنت بالسادس ما فكرت غير بشغلتين وهي
إرضاء الله وأهلي بتعبي والثانية حلمي أن أساعد الناس بوظيفتي بس مقصرت من ناحية الدراسة كل الكلام السلبي عرض الحائط فقط عامل مشرق واحد إلا وهو نجاحي بمعدل الي اريده اني والحمد لله هسة آخر سنة طب اسنان
كلما اجتهد أكثر كلما اجيب أعلى وماكو طاقة محدودة لشخص دون آخر جذب هاي بس الي يتعب يرتاح
كلمة أخيرة
كل السلبيات مثل كش ملك احصريها وقتليها
كل الإيجابيات والهدف خلي يصير امامج
حلمج ديري بالج تتخلين عنه
ماكو شخص محدد بقدرته الكل تكدر تحصل الي تريده
تحياتي
شوفي كدامج طريقين الاول اما تمشين على كلام الأهل وتعبين نفسج سنة رتبي وقتج آخذي محاضرات استنسخيها وحضري يوميا راح تتسلين وتلكين اجمل شي بالعالم الدراسة وأحسن صديق الج لان ورآها تنقلين نقلة ثانية اذا تردين تطلعين مجموعة طبية هيئي نفسج من ٩٦ وفوك حكومي صيدلة اقل شي وإذا عدكم فلوس اقل شي ٨ ملايين بالسنة اذا معدلج ٩٥ ونص خوش بس سنة تعب ورآها الف سنة راحة لان راح تعرفين تتعينين وامور اخرى هواي تنقلج نقلة مستقبلية انتي واهلج واحفادج... وعندج طريق ثاني ارتاحي هالسنة وتعبين الف سنة بعدها لاتعيين ولا بطيخ والله العالم شنو قسمتج تكون حتى مستوى ثقافي للزواج راح يقل اذا تفكرين بالزواج واخذي تعب وقهر وترجعين تبجين وتكولين ياريت قريت زين بالسادس ولا ضيعت دقيقة وفتحت مخي وخليت الكتاب بي ولا مشاكل وهوسات الدنيه ومشاكلها الاقتصادية والنفسية والاجتماعيه آخذي بنصيحة الأهل وأحمدي ربج غيرج ما واصل ولا عندة فرصتج استغليها واتكلي على الله وانصحج بعد قفلي موبايلج وانطي لامج وودعي صديقاتج هالسنة لان مراح يطيرن واكولي وشربي بالكتاب هاي لو اني رجع بيه الوكت جان هيج سويت وإذا دخلتي خصوصي روحي لمجموعه مابيها صديقات لان صير جمعة حبايب وتلتهين والله يوفقج حب ... ولتضوجين ترى كل اختصاص بي ماجستير ودكتوراة يعني اذا ما عندج هيج طموح فهمي اهلج إنّو تحبين اختصاص معين وبدعي بي وكملي دراسات بس والله نصيحتي الج شدي حيلج بالسادس لان اذا حبيتي بعدين تكملين اهليات اي كلية مرموقه من ٩٠ وفوك ويارب يسويلج الصالح عذرا طولت عليج
طبعاً الإخوة مقصروا بالنصائح
يبقى عليج التطبيق ، مو بس الامنيات ، محاولة تطبيق النصائح بالحرف
اسمعي لهل الفيديو ،تحفيز ذاتي ،
average is for weak
بسم الله الرحمن الرحيم
ماكو دراسة بالظغط والتهديد ؟؟ الا بحالة وحدة , ان همة خلصوا كل الوسائل الاخرى ؟؟
مستحيل الاهل ياذون ابنهم بس القصد يهمهم مصلحة ابنهم ؟؟ ومن حرصهم عليه يتبعون هيج وسائل .
اني الاشوفة الفرصة تجي مرة وحدة .. وان لم تستغلها .. فراح تضل طوال عمرك تعض اصبعك ندماً
هذا مستقبلك وانت حر بي تصيغة كيفما تشاء .. بس الاكبر منك بيوم افهم منك بسنة واهلك يردون الك الافضل
ويفرحون بشوفتك الك مكانة مرموقة .. وانت حر بعد
اني ماجاي اشوفه تهديد ؟؟ ع العكس همة همهم مصلحتك يجوز انتة هسة غافل وماتعرف مصلحتك وين ..
رايي الشخصي
تحياتي .. اسف ع الاطالة
رد مع اقتباس