علي ركز وشوف البيه مرسوم
ترى اتشوف المراجل بيه تلهط
أظل كلي شهامة وأحچي بالزود
الاوي الموت حد ماگلبه يفحط
أنگط غيره وأفزع كلي ع الصوت
الماي بگصتي عادل روجت الشط
اليگصدني يشد بخوذتي امراد
لان طولي بكتاب الله تگمط
فارس أبن فارس والسمه وياي
أسكت كلمن ابمگفاي ينغط
اصوب عالهدف چيلاتي متخيب
بصدر الداس گاعي التفگه تنحط
تعال اعصر وريدي يطيح بارود
انه شروگي اعله كل مجروح انحط
الفات إبلا عذر مادگ علية الباب
أندمه شلون طب گاعي وتورط
أسدهه عيوني وأندله الهدف وين
اليدنه لصيدتي بخزه يتگلط
توضيت بتراب حسين ومشيت
وهم سامع حسيني بعرضه فرط
انه الرويت گاعي بدم الأبطال
والچلمه المني تطلع إلها مربط
افتوگ اهواي رايف وانه ابن زود
بأم اعريف اخيط موش مخيط
رد مع اقتباس
المشاركة الأصلية كتبت بواسطة ♡ Zahraa Al obaidi ♡
