مامسموحلك كلش علي تختاض
يل كل ماأشوفك علي تتمزعل
تنحل السوالف بيها عگدة خيط
بس شدة عذابك صعبه من تنحل
لاتمشي وتخلي الجرح هم بي روح
يلچم صاحبه لوخل يعوف الخل
مامبتعد تايه عني وين إلگاك
ماشوفك وأرجعك وأنته ماتندل
گبل لاتبتعد تسمعني ردتك زين
حيل أستعجلت وفراگك أستعجل
عليك أسال گمت گالو نساك وراح
بس الغثني گالوا عنك أبد ماتسأل
أبد ماتحچي بيه وعلي تحچي اتگوم
إذن مانختلف لوصبحت منجل
الوكت يگص بيه وأنته هم وياه
تحش بيه واگلك صار تدلل
بس أوياي كلش صاير وفدنوب
أخجل منك ومن عندي ماتخجل
أنه أمبلل صدگ من المطر ماخاف
لونگطت دمعك قابل أتبلل
أنه أمخبل صدك لتدور عني العين
مخبل بلعشك بس عقلي مامختل
انه الهليتلك كل دمعه وسط العين
أخاف أتسافر وماعندي دمع أيهل
رد مع اقتباس
المشاركة الأصلية كتبت بواسطة ..AGAPSIO..
