من أهل الدار
آلُمْڄنْوُنْ
تاريخ التسجيل: January-2017
الدولة: في وسط الحطام
الجنس: ذكر
المشاركات: 17,339 المواضيع: 292
صوتيات:
0
سوالف عراقية:
5
مزاجي: مشمئز
الليلة بدري ينخسف... بمناسبة استشهاد نبي الرحمة محمد ( ص ) مجتبى السعد
الليلة بدري ينخسف .. ما إله طلعه
حزني وضعه يختلف .. يخنق الوسعه
آه آه شينفع عتابي
آه آه راحوا أحبابي
الحواس الخمسة كلهن صاحن وناحن
بعيني ماشوف إلا رسمك عميت ضواهن
وبحروف اسمك أذاني تسمع أصداهن
ألهج بإسمك محمد و أنسى طرواهن
من تهب نسماتك .. أختنق بأنفاسك
من تهب بي نسمتك .. أختنق بيها
أشعر بأحضانك .. وأمسح اعلى راسك
آه آه .. أبچي لمصابي
آه آه .. راحوا أحبابي
أبني بيت أحزان يمك وتبيض عيوني
من البواچي ما أبطل تسهر جفوني
بعتبة الباب أنتظرهم بشارة ويجوني
أنتظر مسحة قميصك تريح ظنوني
من تجيني ولادي .. قومي رد الغالي
يلهج اسمچ عالي .. يا نبض دلالي
آه آه .. ضيعت شبابي
آه آه .. راحوا أحبابي
ماجرى ابالي أغسلك لا ولا كفنك
ماجرى ابالي أضمك وأنزل بلحدك
خذني بالله ماريدها دنيا من بعدك
خذني وسدني ابيمينك ضمني القبرك
آنا من أنوارك .. الله خالق نوري
ومن تعتم أطيافك .. موتتها ورودي
آه آه .. انهدم بابي
آه آه .. راحوا أحبابي
من تروح يموت قلبي وينكسر ظهري
تجتمع بيه أشاوس اوتنكر ابقدري
أحمل أعباء الهواشم ويختنق صدري
لا معين ولا محامي ينهتك ستري
أعتب اعلى رحيلك .. وعتبتي اهوايه
آنا چنت امعينك .. وهسه ما ويايه
آه آه .. شينفع اعتابي
آه آه .. راحوا أحبابي
كلها كم يوم و أجيلك مختلف وضعي
كلها كم يوم و أجيلك منكسر ضلعي
يرفسون الباب قوه وينعصر صدري
ينغرس مسمار بيه و أوقع بدمعي
ومن عظم رفساته .. يموت إليه جنيني
يشتم بكلماته .. يقصدك ضي عيني
آه آه .. صطروا أهدابي
آه آه .. راحوا أحبابي
مجتبى السعد
رد مع اقتباس
المشاركة الأصلية كتبت بواسطة ♡ Zahraa Al obaidi ♡
