ماتت بحلگي الدلول
يلي راسك فوگي مشيول
عايف امك ياجرح
ونايم بحضن الرمح
يمدلول
يمصلوب علرماح / تعال اشتم هوه
احس بيك واناديك / تجي ونگعد سوه
لتندار الرمح حار / يمن نحره نچوه
ردت ماي يعيناي / وطفه بعيني الضوه
شلك برمح المنيه
وهذا حضني وهاي اديه
عجبه ياوجه الصبح / نايم بحضن الرمح
يمدلول
ماتت بحلگي الدلول
يلي راسك فوگي مشيول
عايف امك ياجرح
ونايم بحضن الرمح
يمدلول
عله النوگ واصد فوگ / واحس طاحت سمه
قريناك اولگيناك / تفكر بالضمه
اتانيك واناغيك / وأگولن فاطمة
شنو اشصار يستار / رضيعي شألمه!
ليش ماتغمض عيونك !/ واصفر ومنخطف لونك
وينك اوين الذبح ! / نايم بحضن الرمح
يمدلول
ماتت بحلگي الدلول
يلي راسك فوگي مشيول
عايف امك ياجرح
ونايم بحضن الرمح
يمدلول
الولد نام يظلام / واخافن لا يفز
يملاح الرماح / ابرماحك لا تهز
بلا صوت ابمشي الموت / يرمحه المرتكز
العطش صار مثل نار / وعلي مي ما اعز
كافي يانوگ اشتونين! / غافي فوگج وردة حسين
بطلي دمعج لا يسح / نايم بحضن الرمح
يمدلول
ماتت بحلگي الدلول
يلي راسك فوگي مشيول
عايف امك ياجرح
ونايم بحضن الرمح
يمدلول
تنزله ثواني / و اذا تگدر بعد
اعله ايدي تره النار / ولا خله مهد
چنت دوم اباري / واغطي لو برد
الدمع سال الگلب گال / هله براس الولد
ياترف قاسي ذبحهم / ومايكفيلك رمحهم
وانه اخافن تنجرح / نايم بحضن الرمح
يمدلول
ماتت بحلگي الدلول
يلي راسك فوگي مشيول
عايف امك ياجرح
ونايم بحضن الرمح
يمدلول
سلامات حرامات / يمعشوگ الگلب
عله ارماح اماشيك / يعبدالله صعب
تمنيت وترجيت / اموتن بالدرب
ولا شوف عالخدود / دمع عينك يصب
ابلاسگف راح اگضي عمري
وعاشريتك وانته تدري
عشرة الزاد وملح / نايم بحضن الرمح
يمدلول
ماتت بحلگي الدلول
يلي راسك فوگي مشيول
عايف امك ياجرح
ونايم بحضن الرمح
يمدلول
« كلمات الشاعر : علي الإبراهيمي »
« تدوين:Zahraa Al obaidi »
«« Mp3 »»
رد مع اقتباس
المشاركة الأصلية كتبت بواسطة أغرد بهمس
