هنا

[ولائي لعلي]

من تمر علييه تفيض الاشواك
احضنك حيل انه بكلبي اخليك
واذا تعطش احط بعيوني الابهام
واسويلك نهر بخدودي ارويك
واذا تزعل علي انة اكلب الكون
ومن ازعل عليك ارجع اراضيك
ومن تبعد حبيبي لحضه اشتاك
كلي وين اضمك حته اواسيك
كون كليبي هسه تصيرله جفوف
وشوف شلون احضنك من الاكيك
اذا تدمع عيونك ابجي وياك
واضحكلك اذا تبتسم شفتيك
واذا تسهر حبيبي انه مانام
سنتر لـُـك ربطنه واوتماتيك
واذا انت نمت انه اغفه مرتاح
واذا تحلم بغيري شلون اخليك
فرض قانون نحلم نفس الاحلام
تمرني بكل حلم وانه امر بيك
واذا ماوافقت..! لا انت مغصوب
اخرب النومه والله وأزعل عليك
وانه ادري الزعل ماينفع وياك
من ازعل عليك ارجع اراضيك

[ولائي لعلي]

انه ميت شعر واتوسل الشيطان
ياشيطان شعري انكطعت اخبارك
كبل جنك جحا وكلساع تدك الباب
ماريدن شعر مر واخذ مسمارك
ياشيطان شعري الشاعر من يموت
يتعطل فرض والكون يتدارك
انه واثق عفتني روح لارديت
يوم افراك وجهك يوم الامبارك
اشجنيت من الشعر لو سجن لو طعنات
ساعه اصفى وي ربعي وعمر نتعارك
بس لحظات محتاجك كبل متروح
اريد ارثي غني وروح اكطع ابحارك
ياصاحب غني ماعفته حد الموت
وكتب اخر قصيده من وهج نارك
جان القلم شظه والحبر نيران
الشهاده اكبر قصيده اتدوخ افكارك
فنك مثله تكتب تكدر انت تموت
ظل دور اضعاف الكوم تبرالك
غني دور ورق مالكه وماتاناك
كتبها وصعد بيها ومانزل جارك
غني والفقره ظلوا بيهم اشوصيت
غني وصيتمن من ياخذ بثارك
غني كلش غني بس بعده بالايجار
غني ياهو شريف ويدفع ايجارك
يااكبر حرامي وبكت كوم اكلوب
رجع اكلوبنا وبالموت نتشارك

[ღ عِشق ღ]

شكراً ع النشر اخي ولائي لعلي

[Salam Salman]

شكرا لك