مشتول اعله راگ الماي ومتانيك
طر شفتي العطش
وسنين من بدّل طريجه وما يمر جاريك
وشتم بس عطر فرگاك
ليش الواهس ايلمني
لون غفله و يمر طاريك
وتيهن من يمر طرواك
وعثر بلدمع ولگاك
بس شلگاك
ما تسوه الدمع وبچي
اسولفلك شسولفلك
لون البيّه مرّن بيك
خليني ابسواد الثوب
ونته ابحنّتك خلّيك
يل عشگك صبر وكتين
مرّن ماگلتلي اشبيك
ياهمس النده النعسان
مامرت صفنتي اوبالچذب تچويك
رد غصني وخذ عشَّك
بعد مالك مچان ابشجرة الدلال وتخاويك
ماتت خضرتك بلعين
من تبچي الدمع عمرين ماتحييك
إهي احروف السوالف ماتت ابشفتي
يبيش انعاك بيش ارثيك
بايعني ابسواد الليل
وبعزّ الظهاري اشريك
يازلَّت جدم عثران
ياغلطة زماني البيك
بعدني هناك ومتانيك
كاظم العطشان
رد مع اقتباس
_