طريقةالفراولةالمغطاة بالشكولاتة بالصور



الطريقة:


عيد الحب على الابواب خلاص كلها شهر إلا شوية ايام وحبيت النهاردة انزل طريقة عمل الفراولة الخطيرة المغطاة بالشكولاتة وعلى فكرة ممكن تعملوها لأى مناسبة تانى يارب تعجبكم

اهم حاجة تستخدموا الشكولاتة ذات الجودة العالية و يمكنك استخدام الشوكولاته الداكنة أو الشوكولاتة البيضاء والفراولة تكون جامدة وناضجة

المكونات

كيلو فراولة + نص كيلو شكولاتة + ربع كيلو شكوتة بيضا اختيارى وهقولكم لازمتها اية فى الاخر


المهم ان الشيكوتة تكون نصف مقدار الفراولة

الطريقة

الاول نغسل الفراولة جيدا ونسيبها تجف جدا

وبعدين نجيب الشكولاتة ونضعها فى حلة صغيرة ونحطها فى حلة تانية فيها ماية على النار كما بالصور التالية


ثم نقلب الشكولاتة على البخار





وبعدين نغطس الفراولة فى الشكولاتة



ونسيب راسها زى ما هى كما بالصور



وبعدين هنجيب الشكولاتة البيضا نعمل نفس الخطوات السابقة ونسيحها





وبعدين من خلال قرطاس صغير وفية فتحة صغيرة تقدرو ترسموا على الفراولة اى شكل من الاشكال