كلمات قصيدة بالزيارة - محمد الحجيرات
..
حُسيناً واحُسيناً واحُسيناً واحُسينا
جايب دوه لجروحه
من توبتي النصوحه
جيت اطلب السموحه
بالزياره _ بالزياره
گلبي ارتمه اعله بابه
يتبرك ابترابه
بشواگه واغترابه
وانكساره _ وانكساره
حُسيناً واحُسيناً واحُسيناً واحُسينا
من دمعة الرياحي
جذبتني الك رياحي
شما ينكسر جناحي
بيك اجبره _ بيك اجبره
عايف هلي وبنيني
وگاصدلك بحنيني
ياسيدي احتويني
ارجو نظره _ ارجو نظره
حُسيناً واحُسيناً واحُسيناً واحُسينا
شفتك كهف اماني
يحميني من زماني
ياملجأي تراني
مالي غيرك _ مالي غيرك
دمعاتي بيه تحدي
وبكلمة وحده ابدي
الماعندي والي عندي
كله خيرك _ كله خيرك
حُسيناً واحُسيناً واحُسيناً واحُسينا
الراية الترف بديه
تحضرني بالمنية
خيمه وحرز عليه
من بلائي _ من بلائي
تشفعلي بالكرامه
وتشهدلي بالقيامه
هذا العبد غرامه
كربلائي _ كربلائي
حُسيناً واحُسيناً واحُسيناً واحُسينا
٭ ٭ ٭
كلمات الشاعر المبدع : ميرزا عادل اشكناني
تدوين:- Zahraa Al obaidi
18 صفر 1439
للإستماع
رد مع اقتباس
المشاركة الأصلية كتبت بواسطة أتنفس هواكم
