" مشاي للساكن دلالي للغالي حبيبي "
گاصد للملك وجداني ٭ الغيره ما حب ثاني
وادري بيه امتاني ٭ عيني تربي دروبي
رايح انا ووليداتي ٭ وامي وبنياتي
حسرتي ودمعاتي ٭ لليزيح اذنوبي
راضي كونه دربك قاسي ٭ وتنذبح كل ناسي
واوصل ابلا راسي ٭ حضرتك محبوبي
وفاي بسكناتي وأناتي ومن زغري لمشيبي
مشاي للساكن دلالي للغالي حبيبي
" مشاي للساكن دلالي للغالي حبيبي "
شايل للقاء اشموعي ٭ صورته اعله اضلوعي
رسمه بين ادموعي ٭ وامشي بين الوادم
غارو حگهم يحسدوني ٭ اصرخ ايسمعوني
نعمة الله جنوني ٭ خل يلوم اللايم
ما رد والله لو ذبحوني ٭ و ردو ايحرگوني
وبالهوى ايذروني ٭ عاشگ انه وهايم
رجواي ياشوگي وياحزني وياجرحي وطبيبي
مشاي للساكن دلالي للغالي حبيبي
" مشاي للساكن دلالي للغالي حبيبي "
باچي گلبي دم لحسيني ٭ والطم ابچفيني
حبه تارس عيني ٭ روحي صارت بيده
صاير هو اهلي وناسي ٭ بسمه رفعة راسي
حروفه هيه انفاسي ٭ والهوى ماريده
ناوي العشگي اشد ترحالي ٭ والخيام ابالي
الكربله ام الغالي ٭ شما تصير بعيدة
مولاي بالخدمة وبالمجلس والموكب ربيبي
مشاي للساكن دلالي للغالي حبيبي
" مشاي للساكن دلالي للغالي حبيبي"
ماخذ خاطري البي كسرخ ٭ هو بس يجبره
بي عشگ للحضره ٭ بروحي تلهب ناره
حسيني من زغر حبيته ٭ وبالگلب خليته
بيتي صاير بيته ٭ عطره يملي اكتاره
صوته يسري بيه وزايد ٭ كل صباح ايعايد
يگلي بويه شرايد ٭ گتله اريد ازياره
لهواي اتعنه واتهنه وانطاني نصيبي
مشاي للساكن دلالي للغالي حبيبي
" مشاي للساكن دلالي للغالي حبيبي"
حافي وألف سوط البيه ٭ خطوتي محنية
لخاطر المسبية ٭ بربعين اخوانها
راجع الظعن من شامها ٭ بالحرم وايتامها
والنحر گدامها ٭ ابطفوف احزانها
واسي زينب وحاديها ٭ والدرب امشيها
ابكربله لاگيها ٭ من تجي لولياها
عناي يازينب مولاتي لمتونچ نحيبي
مشاي للساكن دلالي للغالي حبيبي
" مشاي للساكن دلالي للغالي حبيبي "
كلمات الشاعر : علي عويز الشويلي
تدوين :- Zahraa All obaidi
١٨صفر١٤٣٩
لتحميل القصيدة"اضغط هنا"
رد مع اقتباس