تعالوا حبايب خلي انطيلكم بعض المعلومات عن الزواج المسيحي
بمجرد يحط الكاهن الإكليل أو تاج على رأس العريس انتهى أمرا بعد راح يضلون مرتبطين حتى الموت
في المسيحيه لا يجوز الطلاق إلا لعلة الزنى، وفي ذلك يقول السيد المسيح "وأما أنا فأقول لكم أن مَنْ طَلَّق امرأته إلا لعلة الزنى يجعلها تزني" (متى 32:5)..
وأيضًا "وأقول لكم أن مَنْ طلق امرأته إلا بسبب الزنى وتزوَّج بأخرى يزنى" (متى 19: 9).
لا يحق إطلاقا للمسيحي الزواج أكثر من امراءة وحده مهما كانت الأسباب
اذا المسيحي يريد يطلق مرته يحتاج إلى شهود و دليل قاطع يثبت بأن مرته زانية وبعدين يحتاج لسنة حتى يبدأ معاملة الطلاق ، و من سنة إلى سبع سنين يعتبر انفصال مو طلاق و بعد السبع سنين يحق للرجل الزواج من امراءة ثانية .
مهلة السبع سنوات خلته الكنيسة لسبب قانون ثاني موجود بالمسيحية و هو المسامحة يعني يكدر الرجل يسامح زوجته و يرجع يعيش معها مرة ثانيا لأن مكو إنسان معصوم من الخطأ
أما سالفة وحد ما يحب مرته أو ضاج منها و يريد يطلقها هذا الشيء أبد ما مسموح
في الكنائس الكاثوليكية ما يحق الزواج من بنت يكون عمرها أقل 18 سنه
اكو بعض الشباب يعتبر نفسهم أذكياء يتركون نسوانهم على أساس يتزوجون باوربا.. فالكنيسة اكيد اذكا منهم.. لأن عدها قانون ما تكدر أي كنيسة تزوج شخص غريب على مدينتها إلا يكون عند أوراق( مطلق حال )من الكنيسة الي اتعماذ بيها و الي ينتمي لها و المطلق حال مدته 3 شهر ويسقط
اظن هاي المعلومات حتى كثير من المسيحيين ما يعرفوها
شنو رأيكم بهجي قانون ؟
:
المشاركة الأصلية كتبت بواسطة ..AGAPSIO..
