هنا

[فقد الاحبه]

السلام عليكم ورحمة الله وبركاتة
اليوم سويت أكلة سعودية
رز الكابلي باللحم ع طريقة الاخت فجر السعودية
ينطيها العافية كان جدا طيب وعجب الاهل هواي
نجي للمقادير نفس المقادير بس اني ضفت شوي من عندي ههههه

المقادير...
لحم مسلوق بطاطا بتيتة مقطعة مكعبات


بصل ناعم وثوم مهروس وفلفل حار مقطع وبرتقالة وقشور برتقال


كشمش(زبيب) ومعجون طماطة



زبادي وصبغ طعام اصفر ماعندي زعفران استعملت صبغ


رز وعصير طماطة




ماء ورد ماعندي ماء كادي وبهارات(كركم*فلفل اسود*ملح*ملح الليمون*كمون*قرفة هي الدارسين*قرنقل*بابريكا*زيت* نومي بصرة*ورق غار) هاي زياده مني هههه



اولا نذبل البصل مع الثوم والفلفل والبرتقال والقشور والبهارات بعدها

نضيف اللحم والبتيتة

ومعجون الطماطة والعصير والقليل من ماء اللحم بعد ما ينشف الخلطه كلش نطفي النار



نطبخ التمن بقدر ثاني من يستوي نطفي النار ونضيفه فوق الخلطة ونضيف قليل من صبغ الطعام مع ماء الورد ونضيفه فوق التمن ونضيف الكشمش


ونخلط المكونات جيدا



وهذا شكلها النهائي



سويت وياها سلطة الزبادي مع الخيار والثوم وفلفل اسود ونعناع مجفف وملح
وهذا شكلها

[تّـفـاَصيلـٓ]

الج ونه .. يبعدي عاشت ايدج
شكله اريد



سلمتي قلبي شكرا
وشكرا الفجر هماتين عشتو

[Sωeeτ]

حلو
ما اكل تمن

[Salam Salman]

شكراا

[فقد الاحبه]

الج ونه .. يبعدي عاشت ايدج
شكله اريد



سلمتي قلبي شكرا
وشكرا الفجر هماتين عشتو

ههههه تستاهلين
وايدك حبيبتي
شكرا ع التقييم

[فقد الاحبه]

حلو
ما اكل تمن

ليش مسوية دايت
نورتي عزيزتي

[فقد الاحبه]

شكراا

لعفو

[Rose peace]

يمييي شكلها فد شي
اريد
عاشت ايدج فقد وفجر مميزه دائما
عاجبني اكل شي اكله سعودية

[فقد الاحبه]

يمييي شكلها فد شي
اريد
عاشت ايدج فقد وفجر مميزه دائما
عاجبني اكل شي اكله سعودية

تسلمين عزيزتي
جربية كلش سهلة وطيبة
مشكورة حبيبتي ع التقييم

[فجر السعودية]

ماشاءالله بالعافيه عليكم