هنا

[أنثى حائرة]

مساء الخير درر

الحقيقه صار فتره مااعرف شبيه حيل عصبي لدرجة ابوي ميگدر يحاجيني بس افقد اني بالحقيقه جنت عصبيه بس موو حيل اخذ الامور كولها بمزح مااتعصب بس هسه ماادري شبيه اقل حجايه اصير نار من العصبيه...ساعدوني شنو السبب الي خلاني اصير بهاي الحاله

[fairy touch]

مرحبا ...

كنت اتمنى تگوليلنا عمرچ شگد ...عندچ امراض معينة ...دا تاخذين علاج جديد ...
او اذا ماكو شي صحي ملموس الاعراض ..
فأعتقد انت لازم تسألين نفسچ ليش ..مو تسألينا احنا ..
ماكو واحد يفرغ طاقته السلبية بالاخرين بالغضب بدون ما يكون قلق في اعماقه من سبب ..
السبب ممكن بس انت تعرفيه ...
ممكن دا تتهربين منه ...بس هو دا يتحول الى حالة قلق و عصبية .
اكو امراض تخلي الانسان عصبي مثل نشاط مفرط بالغدة الدرقية ...بالعامية يسموها ( غدة سامة ) ..طبعا هي لا سامة و لا شي ما ادري العراقيين ليش هيچ مسميها ...
المهم هذي عادة تكون مصاحبة لتضخم الغدة الدرقية ( في مقدمة الرقبة ) و من اعراضها نقص الوزن و التعرق الدائم و ارتعاش اليد و الشخص يبدي ما يحب مصادر الحرارة يعني بالشتا يلبس قطني و ينهزم من الصوپة ..
اني دا انطي مثال على مرض يزيد العصبية ..
و ارجع و اگول ممكن اكو سبب مشكلة انت تعرفيها ..لا مرض و لا شي ...
اتمنى اكون فدتك بشي بسيط ..لأن الحقيقة انت ما نطيتي اي معلومات تساعدنا بالموضوع ..
تحياتي