بحق كل عزيز عندك ساعدني اترجاك
سلاما عليكم بحق كل عزيز عندك ساعدني اترجاك انه شاب شاهدت المواقع الاباحية صدفت قبل 4 سنوات و اخذني حب الفضول الى حب الشهوة ثم بعد سنة علمني الشيطان الرجيم العادة القذرة فصبح مدمنا عليها لا استطيع تركها فتغير حالي و اصبحت كالحيوان بل ابشع يملئني الحزن و النوح و البكاء فانا لا استطيع تركها مهما حاولت و سعيت لقد حطمتني و قتلت روحي البيضاء و صنعت منها سوداء رجس فما العمل يا ايها البشر اهل اقتل نفسي و ارتاح و الانتحار حرام . اني شاب لم يبلغ العشرين و لا يستطيع الزواج فما حل قبل الضياع الكلي
ليش هيج مستصعب الامور ،ريلاكس عزيزي
اني ما اعرف شنو العلاج لهيج حالات ، بس إذا تبقى متوتر هيج رح تزيد عندك الحالة وتأذيك بالامراض مستقبلاً.
كونك منتبه على خطأك .. أنت بخير صديقي
فقط .. أشدد على قلبك !
تحاياي
اغلب هاي الامور تجي من الفراغ الي تمر بي اعتقد لو تشوف فد رياضة او هواية وحاول تقضي وقتك بيها وتنظم امور حياتك وتحاول تترك الانترنت فد فترة معينة راح تحس اكو فد تغير بعدها اولها صعب بس بعدين تصير طبيعية
شوف عزيزي
هاي بعض النصايح من اخوك واتمنى من كل قلبي تفيدك.
اولا: من تريد تسوي هذا الادمان تذكر الله جاي يباوعلك راح تكدر تسوي والله يباوعلك؟؟
ثانيا: التزم بالصلاة (الصلاة تنهى عن الفحشاء والمنكر) وهذا كلام رب العالمين والله اصدق الصادقين. حتى لو غلطت العصر كوم صلي المغرب لا تسمح للشيطان يغلبك ويخليك تعوف الصلاة بحجة انك غلطان او مذنب. لا تخلي الشيطان يقنعك ان الصلاة ممكن تنعاف لانها مو من حقك لا ابدا الصلاة هي الحل وهي الدواء.
ثالثا: اقره عن الجنة وعن تفاصيلها وتخيل حياتك بيها ابني امال على حياتك هناك، انت ناسي هذيج الحياة ولهذا جاي تسمح استسلامك لغلطك هذا يزعزع مكانك هناك. من تذكر الجنة راح تكون اقوى امام الشيطان ومغرياته.
رابعاً: اقره القران وتعلق بي حفظ وتفسير وكل شي كون صديق للقران وعيش وياه.
خامسا: خلي نفسك محاط بالناس دايما لا تكون لوحدك لان الوحدة راح تسهللك الغلط.
سادسا: خلي يكون عندك اهداف وامور مهمة تشغل وقتك بيها بحيث ما يكون عندك مجال تفكر وتستلم للغلط.
اتمنى اكون فدتك واتمنالك كل الخير.
هاي النصايح جبتها الك من واحد من اصدقائي المقربين وجانت حالته مثل حالتك وهسه هو صار افضل من عدنا كلنا وتخلص من هذا الخلل اللي جان يعيق حياته وانت تكدر تكون مثله.
تجنب الوحدة
ما الضير في مراجعة اخصائي نفسي ؟
مدام انت عرفت شنو خطأك
فالإيمان موجود بداخلك
حاول متكون بوحدك اقضي ع أوقات الفراغ
اترك النت فتره
جرب يوميه تترك هاي العاده واحسب كم ساعه ويوم مرت وانت مقاوم هذا الشي واذا متكدر عاقب نفسك وارجع جرب لا تستسلم
اللتزم بصلاتك لا تسمح للشيطان يسيطر عليك انت انسان قوي وشجاع ومؤمن لان اعترفت بخطاك استغل هذا الشي الايحابي
أقره قرءان ترتاح قوي علاقتك بالله سبحانه وتعالى اطلب منه المساعده
ابتعد عن كل شخص او شي يذكرك بهاي العاده
ربك رحيم وغفور توب مدامك بشبابك اتذكر الموت ويوم القيامة
ربي يهديك ويوفقك بحق هاي الأيام
ببساطة ...سجل بقاعة حديد
مثل ماكال الاخوه انت عندك فراغ لذلك بوكت فراغك تلجا لهكذا مواقع .. روح اتونس اطلع ويه اصدقاء ... اتفتل .. الكه فد شغله تشتغل بيها .. ومثل ما كال الاخ نبوخذ نصر سجل بقاعه حديد
اتمنالك التوفيق ان شاء الله تتخلص من هاي عادتك السيئه
رد مع اقتباس