الزغار والكبار للنحر وفاية
ملايين قرابين گصدتك مشاية
يزاير علي وياك تسبيح هذا ممشاك للزهره الزچيه
مولود عمره يومين حافظ كربله منين. فهمونه القضيه !
اعمه ابلايه رجلين يندل درب الحسين حيرتوا البريه
بحر ناس يعباس لونه لون الراية
اجت ماي للخيام روجة المشاية
الزغار والكبار للنحر وفاية
ملايين قرابين گصدتك مشاية
عالگاع ذني خطوات بس عند الله سجدات
سجلهن الهي
اليقره بعين الگلوب يلگه بوجهي مكتوب
لحسين اتجاهي
يوميه اهلي يدعون الله يزيدك جنون
من هذا الولاءِ
بالگماط تعنيت انا وامي الحضره
والاخبار عبد صار عد عزيز الزهره
الزغار والكبار للنحر وفاية
ملايين قرابين گصدتك مشاية
بالموكب يمشاي حسبالك صدگ چاي لا لا هذا غيره
والماي هذا مو ماي دمعات زينب وهاي بالليلة الاخيره
وافهم روحك امنين خطار عند الحسين يم شيخ العشيره
يلاگيك يحييك ياهله بخطاري
بالگلوب بالدروب رافگت زواري
الزغار والكبار للنحر وفاية
ملايين قرابين گصدتك مشاية
لطف جائت افواج لـابن الزهره حجاج بحرام العزيه
تسعه ابن الخيام بدموع ترجم الشام ثوره رافضيه
انصت للسماوت تسمع هالصلـٰوات عالحره السبيه
هتافات مواساة يم رماد اخيامك
عِلة الصوت الى الموت عالعهد خدامك
الزغار والكبار للنحر وفاية
ملايين قرابين گصدتك مشاية
ابيت المشه ايزور جبريل يبقه ناطور ويكول انا خادم
وگلب الزهره ملهوف لله تشيل الچفوف ربي ترجعه سالم
ولتخاف اعله العيال عباس الهه كفال ويعيال الفواطم
يمشاي انا ام عون بعيني اخلي اطفالك
كفيلي كفلهم من يمس اعيالك
-----------------------------
كلمات الشاعر : علي عويز الشويلي
----------------------------
تدوين : زهراء العبيدي
لتحميل القصيدة Mp3 اضغط هنا
فيديو
رد مع اقتباس
المشاركة الأصلية كتبت بواسطة أمجد الاسدي
