مجموعة دارميات للشاعر المرحوم الكبير كاظم اسماعيل الكاطع
طش الدرب تيزاب انه اعتنيلك
جا شلي بالرجلين الما تجيلك.
---------------
ياربي ترضه بهاي سموني مرته
واني بعمر يادوب من كبر بنته..
---------------
لو تدري روحي اعليك يسمر حزنها
مثل التگف گدام تابوت ابنها ...
-------------------
غيمت عيني اعليك وتنگط ادموع
كونك تمر بالروح وامطرلك اسبوع
--------------------
انـه اصبحت جتال وانت الضحيه !
جا هي بالمگلوب لو هيجي هيه...
-------------------
دگ دكتين ارداف گلبي وسكت ليش
مثـل اللعب وياك ميتله دوشيـش
-------------
فاله ام خمس شاخات خشنه وجديده
حطه بدليلي وگال ردلي الحديده ..
--------------+---+--
حسـره الك بالدلال ظــلت لما اموت
ماتدري حگها الناس وصوابي بسكوت
-----------------------
يم خشبة التابوت واترجه اشوفك
حسباله ملك الموت بالموت اعوفك
----------------------
الماشي عند الناس التطلك اتجيب
وانه الطلوگ اوياي وازاني للشيب.
----------------------------
اصرخ واكض بالگاع مثل المعسره
حسبالي عشر افروخ ثاريها حسره.
--------------------------
شامت وگف بالـباب حـاير شگله
اتوجه ع المكسور لو دمعي اهله
----------------------
لا ليلي لــيل اعــليك لا دنيه دنياي
بالغرغره من اجفيت ظل واگف الماي..
-------------
حسدوني ولهل اليوم ماشيب الراس
شيب الطلع بالروح ماشافته الناس
-
-
رد مع اقتباس
