هنا

[الشاعر بشير الخفاجي]

ياحسين أبن البتول الطاهره
يالحبيب وياك دنيا وآخره
_____________________
روحي ماتنساك ياالاسمك نغم
من براهينك تعلمنا القيم
جبل شامخ فوك مرتبة القمم
و لصفاتك عيني تبقى مساهره
ياحسين أبن البتول الطاهره
يالحبيب وياك دنيا وآخره
______________________
عيني تبقىمساهره واكتب شعر
وما أبيع حسين وابثمن سعر
نار كلبي من أذكره تستعر
وبالمجالس أمه فاطم حاظره
ياحسين أبن البتول الطاهره
يالحبيب وياك دنيا وآخره
_______________________
من نسيم العتره وأنصاره أستمع
حاضره الزهره ويهل منها الدمع
إتسجل المشاي والخادم جمع
الواسه زينب يوم ردت صابره
ياحسين أبن البتول الطاهره
يالحبيب وياك دنيا وآخره
_____________________
بهاالمسار أصبح شعبنا مؤمنين
واربعين حسين بيه عبره ويقين
هذا ريحانه ختام المرسلين
العالم بأسره وجهاده حرره
ياحسين أبن البتول الطاهره
يالحبيب وياك دنيا وآخره
_______________________
حرر العالم أبن حامي الحمه
وكتب للأجيال أعظم ملحمه
غاندي الهندي الحسين العلمه
حسين تاريخ اليتبعه ينصره
يالحبيب أبن البتول الطاهره
يالحبيب وياك دنيا وآخره
____________________
حسين علم غاندي وكل العقول
تحيرة بخلاق ابن فحل الفحول
شي أكيد الرضع من در البتول
المهدي يأخذ ثاره وأحنه أناصره
ياحسين أبن البتول الطاهره
يالحبيب وياك دنيا وآخره
________________________
خادمكم الشاعر الحسيني المجاهد حسن نايف سعود الخفاجي ابومؤمل

[M̲u̲S̲h̲T̲a̲Q̲ツ]

جزيت خيرا

[ღ عِشق ღ]

شكراً على النقل

الشاعر بشير الخفاجي

احسنت

[Salam Salman]