ياسنيني الكشخن بثــــوب الرحيل
وهرفــن ماورعـــن وكت الرحال
وانه لسه أكحيلتي أتفـــــز للصهيل
وتأكل بمصراعها وتشدهلــي بال
بيه واهس كوسج وناحرلـــي سيل
مفــرزن الماي الخبط مـــن الزلال
مغمض اگطع سچتـي وماهمني ليل
روحــي گمريه وغزت سود الليال
ماتحــــوور ناگتي بدربــــي الطويل
أنــي ذاك الحاسب أحساب الطوال
وانــي راس الماوصل لطــــرافه ذيل
ولا مشيت من الزغـــر ويـه الذيال
ولاتظـــن للغانمه تسابگنــــي خيل
مهرتي بعز الظهــر تطوي الخيال
بيه لــــــــــو راد الوكت كلش يعيل
مااطشر هيبتــي وارجــــه النوال
من احطن يم سلف مايرضه اشيل
تشوفني الوادم آبـي وبزرت حلال
لگطت من العشـگ تــــرس الشليل
وظلن ابخرجي العصــر بس الثگال
العشره لو صارت حمد صرتلهه ريل
ومن اصيح البيه وفه يصيح تعال
اعوينت أمه المايحط للگهوه هيل
ومايــــونس دلتــــــــه بلمت رجال
رد مع اقتباس
المشاركة الأصلية كتبت بواسطة ♡ Zahraa Al obaidi ♡
